07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Գործատուի և աշխատողի համաձայնությամբ՝ հնարավոր կլինի աշխատել նաև հեռավար եղանակով․ օրենքի նախագիծը ներկայացվել է հանրային քննարկման
Հասարակություն
07.12.2022 | 17:56
Հեռավար եղանակով աշխատելու հնարավորության տրամադրման նպատակով՝ Աշխատանքի և սոցիալական հարցերի նախարարության կողմից մշակվել և e-draft իրավական ակտերի նախագծերի հրապարակման միասնական կայքում հանրային քննարկման է ներկայացվել «Հայաստանի Հանրապետության աշխատանքային օրենսգրքում լրացում և փոփոխություններ կատարելու մասին» օրենքի նախագիծը. տեղեկացնում են ՀՀ աշխատանքի և սոցիալական հարցերի նախարարությունից։
Նախագծով առաջարկվում են հեռավար և համակցված հեռավար եղանակներով աշխատանքի կազմակերպման հստակ և ճկուն ընթացակարգեր, որոնք հնարավորություն կտան աշխատանքային պարտականությունները կատարել՝ առանց աշխատավայր ներկայանալու։
Նախագծի մշակումը պայմանավորված է այն հանգամանքով, որ գործող կարգավորումներով հեռավար եղանակով հնարավոր է աշխատել միայն տարերային աղետների, տեխնոլոգիական վթարների, համաճարակների, դժբախտ պատահարների, հրդեհների և արտակարգ բնույթ կրող այլ դեպքերի կանխարգելման կամ դրանց հետևանքների անհապաղ վերացման ժամանակահատվածներում:
Նոր կարգավորումները հնարավորություն կտան գործատուի և աշխատողի համաձայնությամբ աշխատանքները հեռավար եղանակով իրականացնել ինչպես ամբողջությամբ (այսինքն՝ ոչ աշխատավայրից), այնպես էլ համակցված (աշխատանքների մի մասը՝ հեռավար, մյուս մասը՝ աշխատավայրից)։
