Այսօր բրենդների և ընկերությունների հաղորդակցության զգալի մասը հնարության հետ իրականացվում է թվային հարթակներում։ Քանի որ համացանցը մշտապես զարգանում և փոփոխվում է, կարևոր է, որ հաղորդակցությունը նույնքան արագ հարմարվի տեղի ունեցող փոփոխություններին. սա լսարանի ներգրավման և պահպանման բանալին է:
Ներկայացնենք, թե առցանց հաղորդակցության ոլորտում ի՞նչ միտումներ են արդիական և ինչպե՞ս կարող են կիրառվել բիզնեսում:
Բջջայինն առաջին հերթին կամ կենտրոնանալ շարժական սարքերի վրա
Բոլորովին վերջերս ծրագրերն ու ծառայություններն սկզբում ստեղծվում էինք համակարգիչների համար, այնուհետև միայն հարմարեցվում բջջային սարքերին: Այժմ իրավիճակն արմատապես փոխվել է. արդեն մի քանի տարի է, ինչ բջջային տեխնոլոգիաները հանդիսանում են օգտատերերի և ապրանքանիշերի շփման հիմնական միջոցը։ Իրենց լսարանի հետ արդյունավետ փոխգործակցելու համար ընկերությունները, առաջին հերթին, պետք է ներկայություն ապահովեն հենց այն հարթակներում և այն ձևաչափերով, որոնք լավագույնս հարմարեցված են սմարթֆոնների համար։
Առաջին հերթին, դրանք բջջային հավելվածներ են. այսօր գրեթե բոլոր խոշոր ապրանքանիշերն ունեն հավելվածներ: Բացի այդ, կարևոր է հարմարեցնել վեբ ռեսուրսները շարժական սարքերում դիտելու համար:
Համաձայն WeAreSocial-ի և Hootsuite-ի ուսումնասիրության՝ ինտերնետից օգտվողների ավելի քան 92%-ն օգտագործում է բջջային սարքեր՝ համացանցից օգտվելու համար։ Միևնույն ժամանակ, նրանք իրենց ժամանակի մեծ մասը ծախսում են ակնթարթային մեսենջերներում և սոցիալական ցանցերում, ինչը նշանակում է, որ այսօր, առավել քան երբևէ, կարևոր է ուշադրություն դարձնել հանրության հետ փոխգործակցության այս ուղիներին։ Ավելին, տարբեր մեսենջերներ հաղորդակցության տարբեր ձևաչափեր ունեն։ Օրինակ, Հայաստանում հայտնի Viber մեսենջերում առավել արդյունավետ է չաթ-բոթերի և ալիքների օգտագործումը։ Հայաստանում Viber ալիքներն ու չաթ-բոթերն արդեն օգտագործում են մի շարք կազմակերպությունների կողմից։
Վիճակագրության, մեկնաբանությունների, հետաձգված հրապարակումների և այլ հնարավորություններ ունեցող ալիքներում կարող եք հրապարակել տարաբնույթ բովանդակություն, հարցումներ անցկացնել և հետադարձ կապ ապահովել բաժանորդների հետ: Իսկ ալիքի մանրամասն վերլուծական տվյալները, որոնք հասանելի են սուպերադմիններին, օգնում են ավելի լավ հասկանալ օգտատերերի հետաքրքրությունները, գտնել օգտակար ինսայթներ և ընտրել գործունեության և բովանդակության ձևաչափեր, որոնք մեծ հետաքրքրություն են առաջացնում լսարանի շրջանում: Կարևոր է նաև, որ ալիքի բաժանորդների թիվը սահմանափակ չէ։
Արհեստական բանականություն
Արհեստական բանականության և չաթ-բոթերի օգտագործումը թվային հաղորդակցության մեջ շարունակում է աճել արագ տեմպերով: Business Insider Intelligence-ի զեկույցի համաձայն՝ մինչև 2024 թվականը բոթերը կխթանեն սպառողական մանրածախ ծախսերը մինչև 142 միլիարդ դոլար ամբողջ աշխարհում: Միևնույն ժամանակ, ըստ SmarterHQ-ի, հաճախորդների 52%-ը բրենդներից ակնկալում է անհատականացված առաջարկներ։
Արհեստական բանականության (AI) շնորհիվ ապրանքանիշերն ու ընկերությունները կարող են արդյունավետորեն օպտիմալացնել իրենց գործունեությունը համեմատաբար ցածր գներով: Օրինակ՝ մանրածախ առևտրի, ֆինանսների և տարբեր առցանց ծառայությունների ընկերությունների համար չաթ-բոթի մշակումն ու ներդրումը կարող է զգալիորեն օպտիմալացնել կոնտակտային կենտրոնի աշխատակիցների աշխատանքը և բարելավել հաճախորդների հետ շփումը: Եթե օգտատերերը հաճախակի տրվող հարցերին արագ պատասխաններ են ստանում չաթ-բոթում, և պարզ խնդիրներն ավտոմատ կերպով լուծվում են, աշխատակիցներն ավելի շատ ժամանակ կունենան բարդ առաջադրանքների լուծման համար, իսկ հաճախորդների շրջանում կբարձրանա գոհունակության մակարդակը ծառայության վերաբերյալ և բրենդի նկատմամբ հավատարմությունը:
Տեսողական փոխազդեցություն
Համացանցն իր սկզբնավորման փուլում հիմնականում տեքստային էր: Ավելի ուշ հայտնվեցին նկարներ ու հասարակ «սմայլիկներ»։ Տարեցտարի վիզուալիզացիայի հնարավորություններն արագորեն զարգանում են, ի հայտ են եկել նոր լուծումներ և տեխնոլոգիաներ։ Այսօր հաղորդակցության հարթակներում հատկապես տարածված են հաղորդակցման ինտերակտիվ ձևաչափերը, ինչպիսիք են սթիքերները, GIF-ները, տարբեր զտիչներ և AR դիմակներ, ինչպես նաև խաղայնացման (գեյմիֆիկացիոն) տարրերը:
Անկախ նրանից, թե դուք փորձում եք հանրայնացնել ձեր անձնական ապրանքանիշը որպես բլոգեր, ծառայությունները կամ ապրանքները, ճիշտ «տեսողական պատկերները» կարող են օգնել գրավել թիրախային լսարանի ուշադրությունը: Առցանց հանդիպումներ կազմակերպեք ձեր լսարանի հետ, պատասխանեք նրանց հարցերին, ձայնագրեք կրեատիվ տեսանյութեր կամ վիդեո փոդքասթներ. բազմաթիվ գործիքներ են առկա այս միտումներին հարմարվելու համար: Հետազոտությունները հաստատում են վիզուալիզացիայի արդյունավետությունը. օրինակ, ըստ Visual Teaching Alliance-ի, ուղեղին փոխանցվող տեղեկատվության 90%-ը տեսողական է: Բացի այդ, վիզուալների միջոցով ստացված տեղեկատվությունը 60000 անգամ ավելի արագ է մշակվում, քան տեքստը։
Ժամանակակից հարթակները բազմաթիվ հնարավորություններ են տալիս տեսողական բովանդակությունը դիվերսիֆիկացնելու և լսարանի ուշադրությունը գրավելու համար։ Օրինակ, Viber-ում, ընդլայնված իրականության դիմակների և ֆիլտրերի օգնությամբ, որոնք հասանելի են մեսենջերում, ընկերությունները կարող են անհատականացնել հաղորդակցությունը և ստեղծել ավելի սերտ հուզական կապ իրենց սպառողների հետ:
Առավելագույն անհատականացում
Հիպերանձնավորումը ևս մեկ միտում է, որը չի կարելի անտեսել: Վերջերս ավելի ու ավելի շատ բրենդներ նախընտրում են ոչ թե «ունիվերսալ» հաղորդակցություն՝ ուղղված ողջ լսարանին, այլ ավելի բազմազան հաղորդագրություններ՝ հարմարեցված օգտատերերի տարբեր կատեգորիաներին, վարքագծին և գնումների նախասիրություններին։
Ըստ Segment-ի ուսումնասիրության՝ օգտատերերի 69%-ը պատրաստ է ավելի շատ անձնական շփում ունենալ ապրանքանիշերի հետ միայն այն տվյալների հիման վրա, որոնք անձամբ են տրամադրել ընկերությանը: Միևնույն ժամանակ, միլլենիալների (Y սերունդ) ու Z սերնդի ներկայացուցիչները, կանխատեսելիորեն, առավել լոյալ վերաբերմունք ունեն, քան ավագ սերնդի ներկայացուցիչները: Մարքեթոլոգների 98%-ը կարծում է, որ անհատականացումը օգնում է բարելավել հաճախորդների հետ հարաբերությունները: Սա հաստատում են նաև օգտատերերը. 91%-ը նախընտրում է շփվել ապրանքանիշերի հետ, որոնք անհատականացնում են ծառայություններն ու իրենց արտադրանքից օգտվելու փորձը:
Իրական ժամանակում տվյալների հավաքագրման և մշակման հետ համատեղ՝ անձնական հաղորդակցությունն օգնում է ճիշտ մոտեցում գտնել յուրաքանչյուր պոտենցիալ կամ արդեն հավատարիմ հաճախորդի նկատմամբ: Անհատականացված հաղորդակցության ռազմավարության հաջողված օրինակ են, օրինակ, Netflix և Spotify հարթակների մոտեցումը օգտատերերի հետաքրքրությունների օգտագործման հարցում։ Netflix և Spotify ալգորիթմները թույլ են տալիս ստեղծել անհատականացված առաջարկություններ հարթակի բաժանորդների համար՝ ելնելով նրանց նախասիրություններից: Մեկ այլ օրինակ է Airbnb-ն, որը խորհուրդ է տալիս այցելել քաղաքներ և ընտրել բնակարաններ՝ ելնելով բաժանորդների հետաքրքրություններից և նախորդ ուղևորությունների արժեքից:
