13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Լավրովը խոսել է 3+3 ձևաչափով նոր հանդիպման նախապատրաստման, եռակողմ հայտարարությունների մասին
Քաղաքականություն
05.12.2022 | 16:55
«3+3» ձևաչափով նոր նիստը նախապատրաստվում է, օրակարգն ու ժամկետը համաձայնեցվում են։ Այս մասին հայտարարել է ՌԴ ԱԳ նախարար Սերգեյ Լավրովն իր ադրբեջանցի գործընկեր Ջեյհուն Բայրամովի հետ հանդիպումից հետո կայացած մամուլի ասուլիսում, գրում է ՏԱՍՍ-ը։
«Մենք խոսել ենք խորհրդատվական տարածաշրջանային հարթակի մասին, նկատի ունեմ Հարավկովկասյան հանրապետությունները և նրանց երեք հարևանները՝ ՌԴ, Իրան և Թուրքիա։ Դա ժամանակին եղել է Ադրբեջանի նախագահի նախաձեռնությունը, կայացել է առաջին հանդիպումը։ Իսկ հիմա մենք նախապատրաստում ենք հերթական նման միջոցառումը, համաձայնեցնում կոնկրետ ժամկետներն ու օրակարգը»,- ասել է Լավրովը։
Հիշեցնենք, որ այս ձևաչափով առաջին հանդիպումը տեղի է ունեցել Մոսկվայում 2021 թվականին դեկտեմբերի 10-ին Մոսկվայում։
Բացի այդ, Լավրովն ասել է, որ Ադրբեջանի, Հայաստանի և Ռուսաստանի ղեկավարների ստորագրած համաձայնագիրը մնում է Բաքվի ու Երևանի հարաբերությունների կարգավորման ամուր հիմք։
«Մանրամասն քննարկել ենք հայ-ադրբեջանական կարգավորման հարցերի ամբողջ համալիրը՝ այն եռակողմ փաստաթղթերի համաձայն, որոնք ստորագրվել են 2020 թվականի նոյեմբերից Ադրբեջանի, Հայաստանի և Ռուսաստանի ղեկավարների կողմից։ Այս փաստաթղթերը, մեր ընդհանուր համոզմամբ, շարունակում են մնալ ամուր, ուժեղ, հուսալի հիմք բոլոր հարցերի լիարժեք կարգավորման համար, ներառյալ տրանսպորտի և տնտեսական կապերի ապաշրջափակումը, Հայաստանի և Ադրբեջանի միջև սահմանի դելիմիտացիան ու խաղաղության պայմանագիր կնքելու կոնկրետ պայմանավորվածության ելքը»,-ասել է ՌԴ ԱԳ նախարարը։
Նա նշել է, որ Ռուսաստանը պատրաստ է կողմերին այս ուղղություններով աջակցել։
Էմմա Չոբանյան
