09.10.2026 | 22:14
Հայաստանի մի շարք հասցեներում էլեկտրաէներգիայի անջատումներ կլինեն
Իրանի ՆԳ նախարարությունը չի հաստատել բարոյականության ոստիկանության փակվելու մասին Իրանի գլխավոր դատախազի հայտարարությունը
Քաղաքականություն
05.12.2022 | 12:00
Իրանում ցուցարարները եռօրյա գործադուլի կոչ են անում․ նրանք փորձում են ուժեղացնել ճնշումը իշխանությունների վրա, գրում է VOA-ն:
Մինչ այս տեղական լրատվամիջոցները՝ հղում անելով Իրանի գլխավոր դատախազ Մոհամմադ Ջաաֆար Մոնթազերին, հայտնել էին բարոյականության ոստիկանության ցրելու մասին, սակայն երկրի ներքին գործերի նախարարությունը, որը վերահսկում է ոստիկանությունը, չի հաստատել, որ այն վերացվել է։ Իրանի պետական լրատվամիջոցներն իրենց հերթին հայտնել են, որ դատախազ Մոնթազերին պատասխանատվություն չի կրում ոստիկանության գործունեությունը վերահսկելու համար։ Իրանցի պաշտոնյաները բազմիցս հայտարարել են, որ չնայած հիջաբի կանոնների դեմ 11 շաբաթ շարունակվող բողոքներին, Թեհրանը չի փոխի իր քաղաքականությունն այս հարցում։
Հիշեցնենք, որ բողոքի ակցիաներն Իրանում սկիզբ էին առել սեպտեմբերի կեսերին երիտասարդ կնոջ՝ Մահսա Ամինիի սպանության հետո։ Երիտասարդ կինը մահացել էր ոստիկանական բաժանմունք տեղափոխվելուց հետո։
Տաթև Ֆռանգյան
