18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
«Ինչ-որ մեկը պռավալ է տվել աշխատանքը․ ընդդիմադիրները չկան, ես ընդդիմադիր հարց տամ»․ Քրիստինե Պողոսյան․ ՏԵՍԱՆՅՈՒԹ
Հասարակություն
02.12.2022 | 16:19
ԱԺ պաշտպանության և անվտանգության հարցերի մշտական հանձնաժողովի նիստում քննարկվում է «Հայաստանի Հանրապետության քաղաքացու անձնագրի մասին» օրենքում փոփոխություններ եւ լրացում կատարելու մասին և կից ներկայացված օրենքների նախագծերի փաթեթը։
«Ընդդիմադիր գործընկերները չկան, ես ընդդիմադիր հարց տամ»,- դիմելով փոխոստիկանապետ Արա Ֆիդանյանին, նշեց «Քաղաքացիական պայմանագիր» խմբակցության պատգամավոր Քրիստինե Պողոսյանը։
Ձեր աշխատանքից գոհ ենք։ Այս օրենքի նախագիծը երկու տարի առաջ հրատապ ռեժիմով ընդունել ենք, և 2023-ի հունվարից պետք է գործարկվի, բայց ինչ-որ մեկը «պռավալ է տվել» աշխատանքը, ինչո՞ւ եք Դուք նրա փոխարեն եկել։ Թող գար այդ մարդը, ով ձախողել է, մենք էլ պատասխանատվության հրավիրեինք»։
Արա Ֆիդանյանը արձագանքեց՝ ընդգծելով, որ փաստացի ձախողում չկա։ Փոխոստիկանապետը պարզաբանեց, որ ահավոր մեծ ծավալի քաղաքացիության ու փաստաթղթավորման դիմումներ են ստացել այս տարի. «2020-ին, ընդհանուր առմամբ, տրվել է 310 հազար 970 անձնագիր, այս տարի՝ արդեն 643.746, կրկնակի աճ ունենք»:
Նշենք, որ Հայաստանում ժամանակավորապես՝ մինչև 2024 թվականի հունվարի 1-ը կդադարեցվի ՀՀ քաղաքացիներին կենսաչափական անձնագրերի տրամադրումը՝ մինչև ապագա սերնդի տեխնոլոգիաներով և անվտանգության պայմաններով օժտված կենսաչափական անձնագրերի ստեղծումն ու աստիճանաբար հին անձնագրերի նորերով փոխարինումը:
Այսպիսով` նախագծով սահմանվում է, որ 2023 թվականի հունվարի 1-ից մինչեւ 2024 թվականի հունվարի 1-ը դադարեցվում է սույն օրենքով նախատեսված անձնագրերի տրամադրումը (փոխանակումը): Իսկ մինչեւ 2023 թվականի հունվարի 1-ը Հայաստանի Հանրապետության քաղաքացուն տրամադրված անձնագրերը համարվում են վավեր:
Օրենքն ուժի մեջ է մտնելու 2022 թվականի դեկտեմբերի 30-ից:
Մանրամասները՝ տեսանյութում։
