07.06.2026 | 12:35
ՌԴ հայկական գործարար խորհրդի փոխնախագահը ձերբակալվել է ընտրողներին ՀՀ անվճար տեղափոխելու խոստման գործով
Սաակաշվիլիի փաստաբանները կդիմեն դատարան՝ նրան ազատ արձակելու միջնորդությամբ
Քաղաքականություն
30.11.2022 | 17:47
Վրաստանի երրորդ նախագահի փաստաբան Շալվա Խաչապուրիձեի խոսքով՝ Միխեիլ Սաակաշվիլիի իրավունքների պաշտպաններն այսօր կամ վաղը կդիմեն դատարան՝ նախկին նախագահին պատժից ազատելու խնդրով, գրում է apsny.ge-ն։
Փաստաբանը չի բացառում դատավարության ընթացքում նախկին նախագահի բժշկական փորձաքննության եզրակացության մասնակի կամ ամբողջական բացահայտում։
«Մենք ծանոթացել ենք եզրակացությանը և պահանջում ենք Սաակաշվիլիին ազատել պատժից, քանի որ բժշկական եզրակացության մեջ նշված են այն ծանր հիվանդությունները, որոնք առողջապահության նախարարի համապատասխան հրամանով նախատեսում են պատժից ազատում։ Նման երեք հիվանդություն կա։ Երկու միջնորդություններն էլ նշված կլինեն: Դրա պրակտիկան կա»,- ասել է Խաչապուրիձեն:
Տաթև Ֆռանգյան
