16.09.2026 | 09:45
ՀՀ տարածքում ավտոճանապարհներն անցանելի են
Սիրիայում լարվածության ֆոնին Պենտագոնը հայտնում է ԱՄՆ-ի ու Թուրքիայի ՊՆ ղեկավարների բանակցությունների մասին
Քաղաքականություն
30.11.2022 | 13:15
Պենտագոնի մամուլի խոսնակ Փեթ Ռայդերը մամուլի ասուլիսում անդրադարձել է Իրաքում ու Սիրիայում Թուրքիայի ռազմական գործողություններին։
«Մենք շարունակում ենք խորապես անհանգստանալ Հյուսիսային Սիրիայում, Իրաքում և Թուրքիայում սրվող գործողությունների կապակցությամբ: Եվ այսպես, մենք, անշուշտ, կոչ ենք անում զսպվածություն ցուցաբերել այս տարածաշրջանում առկա լարվածության պայմաններում։ Հատկապես ցամաքային ներխուժումը լրջորեն կվտանգի այն դժվարին պայքարի ձեռքբերումները, որոնք աշխարհը ձեռք է բերել ԻԼԻՊ-ի դեմ, և կապակայունացնի տարածաշրջանը»,-ասել է Ռայդերը։
Նա նշել է, որ ԱՄՆ-ն ճանաչում է Թուրքիայի անվտանգության օրինական մտահոգությունները՝ կապված իր սահմաններում տեղի ունեցած ահաբեկչական գործողությունների հետ, սակայն նաև շարունակում է աջակցել Սիրիայի դեմոկրատական ուժերին ԻԼԻՊ-ին դեմ պայքարում։ Խոսելով Սիրիայում Թուրքիայի ցամաքային գործողության մասին՝ Պենտագոնի խոսնակն ասել է, որ ԱՄՆ անհանգստացած է այդ կապակցությամբ։
«Մենք շարունակում ենք անհանգստացած լինել Սիրիայում Թուրքիայի հնարավոր ցամաքային գործողությամբ և կրկին զսպվածության կոչ ենք անում։ Մեր թուրք դաշնակիցների հետ մենք կանոնավոր կապ ենք պահպանում թե՛ ԱՄՆ կենտրոնական հրամանատարության, թե՛ օպերատիվ մակարդակով։ Եվ ես կարող եմ ձեզ ասել, որ քարտուղար Օսթինը մոտ ապագայում կխոսի իր գործընկերոջ հետ»,- հավելել է Փեթ Ռայդերը։
Էմմա Չոբանյան
