20.02.2026 | 13:40
Աշխարհի գավաթ․ Հայ մարմնամարզիկները դուրս են եկել եզրափակիչ
Պեմզաշենի սպանդի գործով կին է հարցաքննվել
Հասարակություն
29.11.2022 | 18:08
Պեմզաշենում 31-ամյա Զարինե Մելիքսեթյանի, նրա երկու անչափահաս երեխաների` 12-ամյա դստեր և 8-ամյա որդու սպանության գործով հարցաքննվել է ևս մեկ անձ՝ Ռուզաննա Խաչատրյանը, որը կասկածյալ Վրույր Բարսեղյանի հորաքույրն է։ Նրան հարցաքննության են հրավիրել մամուլի հրապարակումների հիման վրա, որոնցում պեմզաշենցիները պնդել են, թե դեպքի վայրում գտնվել է նաև կասկածյալի հորաքույրը, մաքրել է արյան հետքերը՝ փորձելով թաքցնել հանցագործությունը։
Գյուղի բնակիչները լրատվամիջոցներին նաև պատմել էին, որ Ռուզաննա Խաչատրյանը երիտասարդ ժամանակ դատվել է իր նորածին երեխային սպանելու համար։
Քննչական խմբի ղեկավար Նարեկ Գարեգինյանը, հաստատելով մամուլի հրապարակումների հիման վրա քրեական վարույթի նախաքննության ընթացքում Ռուզաննա Խաչատրյանին հարցաքննելու փաստը, պարզաբանեց հետևյալը․ «Նրա վերաբերյալ որևէ տվյալ չկա ստացված, որ վերջինս օժանդակել կամ որևէ այլ կերպ օգնել է հանցագործությունը թաքցնելուն և հետքերը վերացնելուն։ Նախաքննական մարմինը հետքերը վերացնելու մասին տվյալներ չունի»։
Հիշեցնենք, որ այս գործով կան երկու կալանավորվածներ՝ Պեմզաշեն գյուղի 31-ամյա բնակիչ Վրույր Բարսեղյանն ու նրա 41-ամյա ազգականը՝ Արկադի Բարսեղյանը։
Արմիկ Մովսիսյան
