25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Նեթանյահուն առաջին քայլն է արել Իսրայելում աջակողմյան կոալիցիայի ստեղծման ուղղությամբ
Քաղաքականություն
25.11.2022 | 20:15
Բենիամին Նեթանյահուի «Լիքուդ» կուսակցությունը ստորագրել է իր առաջին կոալիցիոն համաձայնագիրը Իտամար Բեն Գվիրի «Հրեական ուժ» կուսակցության հետ։ Այս մասին գրում է Middle East Eye-ը։
Համաձայնագիրը, որն ուժի մեջ կմտնի միայն այն դեպքում, եթե «Լիքուդը» նմանատիպ գործարքներ կնքի այլ կուսակցությունների հետ՝ Կնեսետում խորհրդարանական մեծամասնություն ապահովելու համար, նախատեսում է Բեն-Գվիրի նշանակում Ազգային անվտանգության նախարարի պաշտոնում՝ զգալիորեն ընդլայնված լիազորություններով: «Լիքուդի» գործարքի պայմաններով՝ «Հրեական ուժը» կստանա նաև Նեգևի և Գալիլեայի զարգացման նախարարության և Հրեական ժառանգության նախարարության պորտֆելը:
Arab48 կայքը հաղորդում է, որ Նեթանյահուի և Բեն-Գվիրի միջև գործարքը, ամենայն հավանականությամբ, կայացվել է Բեն-Գվիրի դաշնակից Բեզալել Սմոտրիչի ծայրահեղ աջ «Կրոնական սիոնիզմ» կուսակցության վրա ճնշում գործադրելու համար՝ հրաժարվելու կոալիցիային միանալու իր որոշ պահանջներից:
«Այսօր երեկոյան մենք մեծ քայլ կատարեցինք դեպի լիարժեք կոալիցիոն համաձայնագիր, դեպի ամբողջովին աջակողմյան կառավարության ձևավորում»,- ասվում է Բեն-Գվիրի հայտարարության մեջ:
Տաթև Ֆռանգյան
