07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Եկե՛ք Մշակույթի նախարարությունն էլ փակենք, չի համապատասխանում 21-րդ դարի չափանիշներին. Տիգրան Ներսիսյան․ ՏԵՍԱՆՅՈւԹ
Հաղորդաշարեր
26.11.2022 | 19:02
«Եթե հայ թատրոնի հանդեպ պետական նույն վերաբերմունքը շարունակվի, 10-15 տարի հետո շատ ծանր է լինելու մեր թատրոնի վիճակը. խնդիրներից ճողոպրելով շատ հեռուն չենք գնա»,-Factor TV-ի հետ զրույցում նման տեսակետ է հայտնում դերասան, ՀՀ վաստակավոր արտիստ Տիգրան Ներսիսյանը:
Նա անդրադառնում է մշակութային օջախների միավորման գործընթացին` նշելով, որ իշխանությունը հատել է արգելված կարմիր գծերը. «Եկե՛ք Մշակույթի նախարարությունն էլ փակենք, չի համապատասխանում 21-րդ դարի չափանիշներին: Սուրճ խմողներին հանենք, գործ անողներին բերենք»:
ԿԳՄՍ նախարարությունն ավելի վաղ Կառավարության նիստում բյուջեի քննարկման ժամանակ խելամիտ և նպատակահարմար չի համարել ստեղծագործական կոլեկտիվների աշխատավարձերի բարձրացումը և նույնիսկ կողմ է արտահայտվել ատեստացիաներ անցկացնել նաև թատերական ոլորտում` դերասանների շրջանում. «Կառավարությունն ու Ազգային ժողովը թող միացնեն իրար, կդառնա փոքր կոլեկտիվ, մի ատեստացիա էլ թող այնտեղ անցկացնեն: Ատեստացիա միշտ է եղել. սա ճնշում գործադրելու միջոց է, վախեցնում են: Ես էլ նպատակահարմար չեմ համարում, որ իրենք տեղի-անտեղի պարգևավճար ստանան, աշխատավարձերն էլ միլիոնից անցնեն»,-մեկնաբանում է Տիգրան Ներսիսյանը:
Նա հիշում է ավտոբուսների վարորդների հայտարարած գործադուլը` կապված ցածր աշխատավարձերի հետ. «Թատրոնից մարդիկ կան` ասում են գնանք ավտոբուս քշենք, եկամուտն ավելի շատ կլինի»,-ասում է դերասանը:
Նա խոսում է նաև նախարարության և թատերական ոլորտի անհաղորդ լինելու մասին, նշում է, որ ԿԳՄՍնախարարին ընդամենը մեկ անգամ է տեսել, մինչդեռ թատրոնի հետ կապը, ըստ նրա, պետք է ավելի սերտ լիներ. «Այս տարի Սունդուկյան թատրոնի 100-ամյակն է, նախարարությունում մտածե՞լ են ինչ են անելու, ինչպես են նշանավորելու այս առիթը»:
Մանրամասները` տեսանյութում:
Աննա Բաբաջանյան
