Ջրի սակագինը կբարձրանա, բայց կսուբսիդավորվի.Պեսկովը համոզված է՝ ՀՀ-ն կմնա ՀԱՊԿ-ում. ԼՈՒՐԵՐ

• «ՀԱՊԿ նիստում, ցավոք, մեզ չի հաջողվել ընդհանուր հայտարարի գալ շատ կարևոր փաստաթղթերի վերաբերյալ»,- կառավարության այսօրվա նիստում հայտարարեց վարչապետ Փաշինյանը։ «Երեկ ՀԱՊԿ գագաթնաժողովում, ցավոք, մեզ չի հաջողվել ընդհանուր հայտարարի գալ երկու շատ կարևոր փաստաթղթերի վերաբերյալ, բայց ես նաև ուզում եմ ասել, որ, իմ կարծիքով, տեղի է ունեցել շատ բաց անկեղծ և դրական քննարկում: Այդ մասին Կառավարության նիստի ընթացքում հայտարարեց ՀՀ վարչապետ Նիկոլ Փաշինյանը: Վարչապետի խոսքով՝ այդ երկու փաստաթղթերն ուղարկվել են լրամշակման։
• Կառավարության նիստում անդրադարձ կատարվեց նաև ՀՀ պետական պարտքին։ Դիմելով Ֆինանսների նախարար Տիգրան Խաչատրյանին, վարչապետը հետաքրքրվեց, թե որքան է այն այս պահին. «Այս տարվա վերջին՝ 10 միլիարդից մի քիչ բարձր կլինի»,- նշեց նախարարը, ինչին ի պատասխան, Փաշինյանն արձանագրեց. «Պետական պարտք – ՀՆԱ հարաբերակցությունը 50 տոկոս է․ սա, մեղմ ասած, դրական ցուցանիշ է»,- Կառավարության այսօրվա նիստի ընթացքում այս մասին հայտնեց վարչապետ Նիկոլ Փաշինյանը։ «Իհարկե, փոխարժեքի փոփոխությունն ունի դերակատարում, բայց արձանագրեցինք, որ մեծապես կախված է պետական պարտքի կառավարման որակից»,- նշեց նա։
• Մինչև տարեվերջ կունենաք Ներքին գործերի նախարարություն, եթե նախագծի փաթեթն Ազգային ժողովում հրատապ կարգով քննարկվելուց հետո ընդունվի։ Այս մասին լրագրողների հետ զրույցում ասաց Արդարադատության նախարարի պաշտոնակատար Գրիգոր Մինասյանը։ Նա նշեց, որ նոր նախարարությունը բաղկացած կլինի 3 ծառայությունից՝ Ոստիկանության, Փրկարար ծառայության ու Միգրացիա և քաղաքացիական ծառայություններից։

Այս ժամի լուրերը՝ տեսանյութում։