27.07.2026 | 11:23
«Seaside Startup Summit Armenia 2026»-ը կմիավորի ստարտափների հիմնադիրների և ներդրողների
ՄԱԿ-ը կքննարկի Փհենյանի դեմ պատասխան գործողությունների հարցը՝ ի պատասխան բալիստիկ հրթիռների արձակման
Քաղաքականություն
21.11.2022 | 15:33
ՄԱԿ-ի Անվտանգության խորհուրդը կքննարկի «նշանակալի գործողություններ» ձեռնարկելու հարցը՝ ի պատասխան Հյուսիսային Կորեայի կողմից վերջին միջմայրցամաքային բալիստիկ հրթիռի արձակմանը։ VOA-ի փոխանցմամբ՝ այս մասին հայտարարել են G7-ի երկրների արտաքին գործերի նախարարները։
Միացյալ Նահանգների խնդրանքով ՄԱԿ-ի Անվտանգության խորհուրդն այսօր կքննարկի Հյուսիսային Կորեայի գործողությունները։
«Հյուսիսային Կորեայի գործողությունները պահանջում են միջազգային հանրության միասնական և վճռական պատասխան»,- նշել են ԱՄՆ-ի, Ճապոնիայի, Կանադայի, Գերմանիայի, Մեծ Բրիտանիայի, Ֆրանսիայի և Իտալիայի նախարարները:
Հիշեցնենք, որ ուրբաթ Փհենյանը բալիստիկ հրթիռ է փորձարկել, որը կարող է հասնել ամերիկյան մայրցամաքի տարածք՝ տարածաշրջանում Վաշինգտոնի ներկայության աճին «ավելի կոշտ ռազմական պատասխանի» նախազգուշացումից անմիջապես հետո:
G7-ի հայտարարության մեջ նշվում է, որ փորձարկումը «անխոհեմ արարք» էր և ՄԱԿ-ի բանաձևերի «հերթական կոպիտ խախտում»:
Տաթև Ֆռանգյան
