Քաղաքականություն
20.11.2022 | 17:11
Միխեիլ Սաակաշվիլիի կողմնակիցներն ու ընտանիքի անդամները ցույց են անցկացնում կառավարության վարչակազմի մոտ։ Այս մասին հայտնում Վրաստանի առաջին ալիքը:
Հանրահավաքի մասնակիցների մի մասը պահանջում է ազատ արձակել Միխեիլ Սաակաշվիլիին, ոմանք էլ պահանջում են Սաակաշվիլիին տեղափոխել արտերկիր բուժման նպատակով։
«Այս ակցիայի նպատակը մեկ մարդու կյանք փրկելն է։ Ես գոհ եմ, շնորհակալ եմ «Վիվամեդ»-ի բժիշկներին, բայց խնդիրն այն է, որ վիճակը չի բարելավվել, լուրջ է»,- ասել է Միխեիլ Սաակաշվիլիի մայրը՝ Գիուլի Ալասանիան։
Ակցիային մասնակցում են նաև ընդդիմադիր կուսակցությունների ներկայացուցիչներ։ Կառավարության վարչակազմի մոտ ներկա են «Ազգային շարժման», «Լելոյի» և «Ռազմավարություն Աղմաշենեբելի» անդամները, հանրահավաքին է նաև Զուրաբ Ջափարիձեն։
«Մի շարք փորձագիտական զեկույցներում գրված է, որ նա Վրաստանում բուժման ենթակա չէ և միակ լուծումը նրան արտասահման տեղափոխելն է։ Իվանիշվիլիի գլխավորած դատավորը կկարդա այս ամենը, կվերցնի մուրճը, կխփի սեղանին և կասի՝ չնայած այստեղ գրվածին, ես դեռ եզրակացնում եմ, որ նա առողջ է, այս երկրում ոչինչ նախկինի պես չի կարող շարունակվել»,- ասաց Նիկա Մելիան։
Ինչպես ասում են կառավարության շենքի մոտ հավաքվածները, այսօրվա ակցիան նախազգուշացում է, և եթե կառավարությունը մեկ շաբաթվա ընթացքում Սաակաշվիլիին բուժման համար արտերկիր տեղափոխելու որոշում չընդունի, իրենք մշտական բողոքի ակցիաներ կանցկացնեն։
