Ալիևը չէ՛ որոշողը՝ Ռուբեն Վարդանյանն Արցախի անունից բանակցի, թե՞ ուրիշը․ նա է պետնախարարը՝ ժողովրդի ներկայացուցիչը․ Գեղամ Ստեփանյան․ ՏԵՍԱՆՅՈՒԹ

Լուրեր

20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
20.11.2026 | 20:37
ԵՄ-ն ու Մեծ Բրիտանիան Brexit-ից հետո կապերն ամրապնդելու համար «նշանակալի համաձայնագիր» են կնքել
20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
Բոլորը

Արևմուտքից կա առաջարկ Բաքվին և Ստեփանակերտին՝ միջազգային մեխանիզմով խոսակցություն սկսել՝ իրավունքների և անվտանգության հարցեր քննարկելու համար։

Արցախի Մարդու իրավունքների պաշտպան Գեղամ Ստեփանյանին Factor TV-ի հարցազրույցում հարց ուղղեցինք, թե ըստ նրա՝ ո՞ր հարցերն են առաջանահերթ, որ միջազգային հանրությունը երաշխավորի Արցախի համար։

Պաշտպանը կարծում է, որ եթե միջազգային մեխանիզմ չներդրվի այդ խոսակցության համար, դա անիրատեսական մեխանիզմ է լինելու․ «Հայաստանյան կողմը մի քանի առիթներով հայտարարել է, որ գնալու են միջազգային մեխանիզմի ձևավորման ճանապարհով։ Եթե այդ միջազգային մեխանիզմը չներդրվի, հետևաբար, նաև երկխոսությունը չի լինի Բաքվի և Ստեփանակերտի միջև»,- ասաց օմբուդսմենը։

Ըստ նրա՝ եթե Ադրբեջանը համարում է, որ երկխոսությունը պետք է լինի հայկական համայնքի և ադրբեջանական համայնքի միջև, Արցախը այդ ձևաչափին չի համաձայնվի։ Իլհամ Ալիևը, ում Նիկոլ Փաշինյանը մեղադրում է ԼՂ-ում ցեղասպանություն նախապատրաստելու մեջ, ԵՄ ներկայացուցիչների հետ հանդիպմանը Բաքվում հայտարարել է, որ չի պատրաստվում «Ղարաբաղի հայերի ճակատագիրը քննարկել» Հայաստանի իշխանությունների, ինչպես նաև արտաքին խաղացողների ու նրանց ներկայացուցիչների հետ, ինչպիսին ՌԴ-ից Ղարաբաղ վերադարձած Ռուբեն Վարդանյանն է․ «Պատրաստ ենք խոսել Ղարաբաղում ապրող հայերի հետ, «բայց ոչ Մոսկվայի կողմից ուղարկված [Ռուբեն] Վարդանյանի նմանների, որի գրպանում ռուս ժողովրդից գողացված միլիարդներն են։ Նրան Մոսկվայից ուղարկել են հստակ օրակարգով», – ասել էր Ալիևը։ Ռուբեն Վարդանյանն է Ալիևին առաջարկել կառուցողական տոնայնության անցնել։ Վարդանյանը ողջունել է Արցախի հետ ուղիղ երկխոսություն սկսելու նրա ցանկությունը՝ շեշտելով՝ Արցախն այս գործընթացում պետք է սուբյեկտային լինի։ Հիշեցրել է, որ հրաժարվել է ՌԴ քաղաքացիությունից․ «Կարծում եմ, որ լիովին համապատասխանում եմ պարոն Ալիևի կողմից առաջադրված բանակցողի չափանիշին. «ապրում է Ղարաբաղում և ցանկանում է ապրել այնտեղ»։

Ինչքանո՞վ է պարոն Վարդանյանը ներկայացնում Արցախի բնակչությանը, նա՞ է բանակցողի ԼՂ-ի՝ բանակցողի թեկնածուն։ Արցախի Մարդու իրավունքների պաշտպանն ուշադրություն է հրավիրում այն փաստի վրա, որ դեռ երկխոսությունը չսկսված՝ Ադրբեջանը Արցախի ժողովրդի փոխարեն որոշում է, թե Արցախից ով կարող է բանակցել, ով՝ ոչ․ «Ռուբեն Վարդանյանն այսօր Արցախի Պետնախարարն է, այսինքն՝ բարձր պաշտոն է զբաղեցնում իշխանական համակարգում, նա, մեծ հաշվով, Արցախի ժողովրդի ներկայացուցիչներից մեկն է։ Արցախի ժողովուրդն է իրավասու որոշել՝ իր փոխարեն իր իրավունքների և անվտանգության համար ով կարող է գնալ երկխոսության, ով՝ ոչ։ Ալիևը չէ, որ պետք է Արցախի ժողովրդի անունից որոշի՝ ով է մասնակցելու բանակցությանը կամ երկխոսությանը»,- հայտարարեց Գեղամ Ստեփանյանը։

Հարցազրույցն ամբողջությամբ՝ տեսանյութում։

Ռոբերտ Անանյան