13.04.2026 | 15:49
ՀՀ ԱԽ քարտուղարն ու Լիտվայի ԱԳ փոխնախարարը մտքեր են փոխանակել վիզաների ազատականացման գործընթացի շուրջ
Երկրի պաշտպանությանը հատկացվելիք բյուջեն բավարար չէ․ Արթուր Խաչատրյան․ ՏԵՍԱՆՅՈՒԹ
Տնտեսություն
16.11.2022 | 16:12
«Վստահեցնում եմ՝ Ազգային ժողովի նոր տարվա բանկետի մենյուի մասին չեմ եկել խոսեմ»,- ԱԺ-ում 2023թ․ բյուջեի նախագծի քննարկման ժամանակ իր ելույթից առաջ նշեց «Հայաստան» խմբակցության պատգամավոր Արթուր Խաչատրյանը՝ ի պատասխան ԱԺ փոխնախագահ Հակոբ Արշակյանի՝ թեմայից չշղեվելու վերաբերյալ հորդորին։
Պատգամավորի դիտարկմամբ՝ երկրի պաշտպանությանը հատկացվելիք բյուջեն բավարար չէ։
«Խոստովանենք, որ կես տրիլոն դրամը պաշտպանության ոլորտին հատկացնելը տպավորիչ է․․․ Բայց բավարա՞ր են արդյոք այդ միջոցները՝ հաշվի առնելով զինտեխնիկայի կորուստները, որ մենք ունեցել ենք 44-օրյա պատերազմի հետևանքով, ինչպես նաև այն հանգամանքը, որ ռազմաճակատային գիծը պետք է պատշաճ կերպով կահավորել։ Համոզված ենք, որ բավարար չէ»։
Պատգամավորն անդրադարձավ նաև զինծառայողների աշխատավարձերին, նշելով, որ մի երկրում, որը կանգնած է գոյութենական սպառնալիքի առջև, չի կարող զինծառայողի աշխատավարձն ավելի ցածր լինել, քան Երևանում ծառայություն իրականացնող պարեկինը։ «Սահմանին կանգնած զինվորականը պետք է ստանա արժանի աշխատավարձ»,- ընդգծեց Խաչատրյանը։
Մանրամասները՝ տեսանյութում։
