16.02.2026 | 20:27
«Վագներ»-ի հավաքագրողներն օգնում են ՌԴ հետախուզական ծառայություններին՝ Եվրոպայում դիվերսիաների համար գործակալներ փնտրել. FT
Քոչարյանի գործով դատական նիստը հետաձգվեց, Միրզոյանը՝ Բաքվի առավելապաշտական մոտեցումների մասին․ Լուրեր
Քաղաքականություն
15.11.2022 | 18:25
- Ընդդիմությունը փողոցում գեներացրել է իր համակիրների և ժողովրդի պայքարի ոգին, կարողացել կանխել ինչ-որ հակահայկական փաստաթղթերի ստորագրում և միջազգային հանրությանը ուղերձ հղել, որ հայ ժողովուրդը պայքարող է։ Այս մասին խորհրդարանում լրագրողների հետ ճեպազրույցում հայտարարել է «Հայաստան» խմբակցության ղեկավար Սեյրան Օհանյանը։
- Այսօր դատարանում պետք է հետազոտվեին ՀՀ 2–րդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործով մեղադրանքի ապացույցները։ Սակայն դատական նիստը կրկին հետաձգվեց, քանի որ թարգմանչի ներկայություն դատարանում հնարավոր չէր ապահովել։ Փաստաթղթերից մեկը, որը թարգմանվել էր անգլերենից, ուներ թերություններ։ Դատախազ Գևորգ Բաղդասարյանը պահանջում էր, որ թարգմանիչը ներկայանա դատարանի դահլիճ և բացատրի, թե ինչ է գրված։ Հաջորդ դատական նիստը տեղի կունենա նոյեմբերի 22-ին` ժամը 13։00–ին։
- ՀՀ ԱԳ նախարար Արարատ Միրզոյանը նոյեմբերի 15-ին ընդունել է ԵՄ և ԵՄ անդամ երկրների Արևելյան գործընկերության հարցերով հատուկ բանագնացների պատվիրակությանը, տեղեկանում են ՀՀ ԱԳՆ մամուլի ծառայությունից: Հաղորդագրության համաձայն՝ Արարատ Միրզոյանը ներկայացրել է Հայաստանի կառավարության կողմից տարբեր ոլորտներում իրականացվող բարեփոխումները, ժողովրդավարության առաջմղման, մարդու իրավունքների պաշտպանության, օրենքի գերակայության ամրապնդման ուղղությամբ կատարվող քայլերը:
Այս ժամի լուրերը՝ տեսանյութում։
