13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Վրաստանը պատրաստ է խթանել հայ-ադրբեջանական երկխոսությունը․ Ղարիբաշվիլի
Քաղաքականություն
14.11.2022 | 20:20
Վրաստանի վարչապետ Իրակլի Ղարիբաշվիլին հանդիպել է Ադրբեջանի Հանրապետության պաշտպանության նախարար Զաքիր Հասանովի հետ։ Կողմերը քննարկել են Վրաստանի և Ադրբեջանի միջև ռազմավարական գործընկերությունը և հետագա համագործակցության օրակարգը, նշված է կառավարության տարածած հաղորդագրության մեջ, փոխանցում է Aliq Media-ն։
Վրաստանի վարչապետը ևս մեկ անգամ նշել է, որ Վրաստանը պատրաստ է ապագայում ևս բոլոր հնարավոր ձևերով խթանել երկխոսությունը երկու հարևան երկրների միջև։
Անդրադարձ է եղել այս տարվա հոկտեմբերին Ադրբեջանի նախագահ Իլհամ Ալիևի Վրաստան այցին։ Կառավարության ղեկավարի խոսքով՝ այս այցը ևս մեկ անգամ ընդգծել է երկրների միջև բարիդրացիական և բարեկամական հարաբերությունները և ամենամեծ ներուժը, այդ թվում՝ առևտրատնտեսական ուղղությունը։
Հանդիպմանը ուշադրություն է դարձվել Իրակլի Ղարիբաշվիլիի նախաձեռնած «Հարավային Կովկասում խաղաղ հարևանության նախաձեռնությանը», որում Հարավային Կովկասի երկրների հետ ներգրավված են նաև միջազգային գործընկերները։
