07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Հայաստանը պաշտպանում է ՌԴ առաջարկները. РКК-ն պատասխանել է Թուրքիայի մեղադրանքներին. ԼՈւՐԵՐ
14.11.2022 | 19:25
- Վարչապետ Նիկոլ Փաշինյանն ընդունել է ԵԱՀԿ Մինսկի խմբի ռուսաստանցի համանախագահ, Հայաստանի և Ադրբեջանի միջև հարաբերությունների կարգավորմանն աջակցելու հարցերով ՌԴ արտաքին գործերի նախարարի հատուկ ներկայացուցիչ Իգոր Խովաևին․ տեղեկացնում են ՀՀ վարչապետի աշխատակազմից։ Նիկոլ Փաշինյանը նշել է, որ ինչպես արդեն հրապարակային է հայտարարել, Հայաստանը պաշտպանում է ռուսական կողմից դեռևս ընթացիկ տարվա օգոստոսին ներկայացված առաջարկները։
- Խովաևին ընդունել է նաև ԱԳ նախարար Արարատ Միրզոյանը։ Նախարարը շեշտել է ուժի կամ ուժի սպառնալիքի կիրառումից զերծ մնալու կողմերի հանձնառության կարևորությունը՝ նշելով, որ Ադրբեջանն իր ագրեսիվ վարքագծով և առավելապաշտական նկրտումներով շարունակում է խոչընդոտել տարածաշրջանում կայուն ու երկարաժամկետ խաղաղության հաստատմանը:
- Արցախի տեղահանված քաղաքացիների ընտրական իրավունքի փաստացի իրականացումը կապահովվի օրենքով։ Այս հարցն այսօր քննարկվել է ԱՀ ԱԺ պետաիրավական հարցերի մշտական հանձնաժողովի նիստում, ինչից հետո միաձայն ընդունվել է «Ընտրական օրենսգրքում փոփոխություններ և լրացումներ կատարելու մասին» և ««Հանրաքվեի մասին» օրենքում փոփոխություններ կատարելու մասին» օրենքների նախագծերի փաթեթը։
Այս ժամի լուրերը՝ տեսանյութում։
