18.12.2025 | 13:40
Ադրբեջանցի դատախազն առաջարկել է Ռուբեն Վարդանյանին դատապարտել ցմահ ազատազրկման
Կարծում եմ՝ հնարավորություն է ստեղծվել, որ եկեղեցին զբաղվի իր բուն գործառույթներով. Փաշինյան․ ՏԵՍԱՆՅՈւԹ
Հասարակություն
11.11.2022 | 22:46
Իշխանության և եկեղեցու միջև պառակտման մասին խոսելը ճիշտ չէ, որովհետև իշխանությունն ու եկեղեցին տարբեր, իրարից անջատ մարմիններ են: Այս մասին Հանրային հեռուստատեսության եթերում նշեց ՀՀ վարչապետ Նիկոլ Փաշինյանը։
«Ես պրոցեսը կձևակերպեմ այսպես. կարծում եմ՝ տեղի է ունենում շատ կարևոր մի բան, ձևավորվում են պետության և եկեղեցու նոր հարաբերություններ:
Իմ կարծիքով՝ ձևավորվում են Հայաստան-Սփյուռք նոր հարաբերություններ: Այդ ձևավորումը տեղի է ունենում հաջող, որովհետև միանշանակ է և աներկբա, որ համաշխարհային հայկական առաջին գագաթնաժողովը անցել է շատ հաջող: Ես հենց մասնակիցներից ստացել եմ առաջարկներ, որ այդ գագաթնաժողովը դառնա ամենամյա: Եվ արդեն Սփյուռքի գործերով գլծավոր հանձնակատարին այդ հանձնարարականը տվել եմ:
Այն ալգորիթմները, որոնք դրվել են գագաթնաժողովի կազմակերպման հիմքում, մեզ հնարավորություն է տալիս շփվել իրական Սփյուռքի հետ, Սփյուռքի բացարձակ մեծամասնության հետ, Սփյուռքի 95 տոկոսի հետ, որոնք գուցե թե մի շարք հանգամանքների բերումով մինչ այս նկատելի ու տեսանելի չեն եղել, ինչքան էլ դա տարօրինակ հնչի:
Մենք հիմա ուրիշ բանաձևով ենք աշխատում Սփյուռքի հետ և կարծում եմ՝ այդ բանաձևը ճիշտ է: Առաջին գագաթնաժողովը տվեց իր արդյունքը»,-ասաց Փաշինյանը:
«Ինչ վերաբերում է եկեղեցի-պետություն հարաբերություններին, կարծում եմ՝ հնարավորություն է ստեղծվել, որ եկեղեցին զբաղվի իր բուն գործառույթներով և ավելի համապարփակ անդրադառնա հոգևոր խնդիրներն ու հարցերին, և հոգևոր օրակարգին»,-ընդգծեց վարչապետը։
Հարցին, թե մտահոգիչ չէ՞ր, որ համաշխարհային հայկական համաժողովին հրաժարվեցին մասնակցել երկու կաթողիկոսները, վարչապետը նշեց, որ Հայաստանը ժողովրդավարական երկիր է և ընտրության ազատությունը հռչակել է որպես կարևորագույն արժեք․ «Յուրաքանչյուր ինստիտուտ ինքն է որոշում մասնակցի, թե ոչ, մենք ցանկացել ենք, որ մասնակցեն, բայց ի վերջո որոշումը կայացրել են իրենք»։
Մանրամասն՝ տեսանյութում։
