21.04.2026 | 12:05
ԱԺ առողջապահության հարցերի հանձնաժողովի նիստը՝ ՈՒՂԻՂ
Ուկրաինացի զինվորականները հայտնել են Սնիգիրյովկան գրավելու մասին․ քաղաքը կարևոր պաշտպանական գիծ էր ռուս զինվորականների համար
Քաղաքականություն
10.11.2022 | 14:35
Ուկրաինական ուժերը վերականգնել են վերահսկողությունը Նիկոլաևի շրջանի Սնիգիրյովկա բնակավայրի նկատմամբ։
«Սնիգիրյովկան Ուկրաինա է»,- ասվում է Ուկրաինայի Զինված ուժերի Telegram-ալիքի հաղորդագրության մեջ։
Հաղորդագրությանը կից կադրեր են հրապարակվել, որոնք ցույց են տալիս, որ քաղաքում բարձրացվել է Ուկրաինայի դրոշը։
Ուկրաինայի վերահսկողությանը Սնիգիրյովկայի վերադարձի մասին լուրը ինքնատիպ կերպով հաստատել է նախագահի աշխատակազմի ղեկավար Անդրեյ Երմակը, որն իր Telegram ալիքում թռչնի էմոջի է հրապարակել, գրում է BBC-ի ռուսական ծառայսւթյունը։
Սնիգիրյովկայի անցումն ուկրաինացի զինվորականների վերահսկողությանը կարևոր է, քանի որ այն հնարավորություն է բացում Ուկրաինայի զինված ուժերի առաջխաղացման համար դեպի Խերսոն։
Հիշեցնենք, որ նախօրեին Ռուսաստանի իշխանությունները հայտարարել էին իրենց զինվորականներին օկուպացված Խերսոնի տարածքից դուրս բերելու մասին։
Տաթև Ֆռանգյան
