23.03.2026 | 10:33
Հայաստանի հավաքականը սկսել է հավաքը․ ՏԵՍԱՆՅՈՒԹ
Մինչ աշխարհում տնտեսական աճը դանդաղել է, Հայաստանում բում է, բայց դա կարճ կտևի՝ պետք է պատրաստ լինենք․ ապաքաղաքական զրույց Վարդան Արամյանի հետ. ՏԵՍԱՆՅՈՒԹ
Տնտեսություն
05.11.2022 | 21:02
Factor TV-ի A-politic հաղորդաշարի հյուրն է հանրային ֆինանսների կառավարման միջազգային խորհրդատու Վարդան Արամյանը: Արձանագրելով, որ ամբողջ աշխարհում նկատվում է զգալի գնաճ, և Հայաստանում այն, ըստ կանխատեսումների, այս տարի կազմելու է մոտ 10 տոկոս, տնտեսագետը նշում է, որ կենտրոնական բանկերը ճիշտ են վարվում՝ բարձրացնելով բանկային տոկոսադրույքը: Դրանով կրճատվում է փողի շրջանառությունը, որպեսզի տնտեսությունը չբախվի ավելի լուրջ խնդիրների: Այդ «սառեցնող» գործողությունները, Վարդան Արամյանի կարծիքով, անգամ ուշացել են:
Հայաստանում գրանցված երկնիշ տնտեսական աճը, ըստ հաղորդման հյուրի, պայմանավորված է ոչ թե մեր երկրի տնտեսական ներուժով, այլ կարճաժամկետ գործոններով՝ տրանսֆերտների ավելացմամբ, ինչպես նաև մարդկանց և կապիտալի ներհոսքով: Ֆինանսների մասնագետը ներկայիս վիճակը համեմատում է 2001-2008 թվականների շինարարական բումի հետ, որին հետևեց լուրջ տնտեսական անկում:
ՀՀ ֆինանսների նախկին նախարարը համոզված է, որ Հայաստանը տարիներ, գուցե՝ տասնամյակներ շարունակ պարտադրված կլինի ապրել դժվարին աշխարհաքաղաքական պայմաններում, և միակ ելքը հույսը սեփական ուժերի վրա դնելն է. «Մեր միակ դաշնակիցը մենք ենք: Առանց տնտեսության մենք դատապարտված կլինենք մշտապես հանդես գալ ուզողի դերում»:
Մանրամասները՝ տեսանյութում:
Արամ Աբրահամյան
