29.10.2026 | 19:07
COP17-ի շրջանակում ներկայացվել է բնապահպանական վերահսկողության թվայնացման Հայաստանի փորձը․ ԲԸՏՄ
Բելառուսի նախագահի ոչ դաշնակցային հայտարարությունները հարցականի տակ են դնում իր իսկ կողմից ՀԱՊԿ շրջանակներում ստորագրած անդամ-պետության պարտավորությունները․ ՀՀ ԱԳՆ
Քաղաքականություն
02.11.2022 | 16:17
ՀՀ ԱԳՆ մամուլի խոսնակ Վահան Հունանյանը պատասխանել է Բելառուսի նախագահ Ալեքսանդր Լուկաշենկոյի վերջին հայտարարությունների վերաբերյալ Factor.am-ի հարցին։
«Բելառուսի նախագահ Լուկաշենկոյի հախուռն, բանակցությունների տրամաբանությունից կտրված և ամենևին ոչ դաշնակցային-գործընկերային հայտարարությունները, որոնք հարցականի տակ են դնում իր իսկ կողմից ՀԱՊԿ շրջանակներում ստորագրած անդամ-պետության պարտավորությունները, մեկնաբանելը տեղին չենք համարում»,- ասաց Հունանյանը։
Հիշեցնենք, որ Ալեքսանդր Լուկաշենկոն երեկ ՀԱՊԿ գլխավոր քարտուղար Ստանիսլավ Զասի հետ զրույցում, անդրադառնալով Հայաստանի ու Ադրբեջանի սահմանին տիրող իրավիճակին, ասել էր, որ Ռուսաստանը այնտեղ արդեն միջնորդ է՝ անդրադառնալով նաև Եվրոպական Միության դիտորդներին․ «Ես հասկանում եմ, թե ինչ խաղ է, ինչու են Եվրամիությունը ներքաշել դրա մեջ, ինչու են այնտեղ քարշ տալիս ԵԱՀԿ-ին։ Դե ինչո՞ւ։ Դե, հասկանալի է, թե ինչու։ Ի՞նչ են անելու այնտեղ, եթե այնտեղ արդեն միջնորդ կա»,- մասնավորապես նշել էր Լուկաշենկոն։
