09.10.2026 | 22:14
Հայաստանի մի շարք հասցեներում էլեկտրաէներգիայի անջատումներ կլինեն
Ադրբեջանական ԶԼՄ-ն լուսահոգի Ահարոն Ադիբեկյանին վերագրվող «վերլուծություն» է հրապարակել
Քաղաքականություն
31.10.2022 | 15:37
Ադրբեջանի քարոզչական մի շարք լրատվամիջոցներ ծիծաղելի վիճակում են հայտնվել հերթական հակահայկական կեղծիքի պատճառով։ Ադրբեջանական Modern.az կայքը հոդված է հրապարակել, որում ներկայացված վերլուծությունները վերագրվում են սոցիոլոգ Ահարոն Ադիբեկյանին։ Հոկտեմբերի 30-ով թվագրված նյութում ասվում , թե ըստ Ադիբեկյանի՝«Հայաստանը ճակատագիրը որոշվելու է այս տարվա վերջին»։
«Ադրբեջանն ունի բազմաթիվ այլընտրանքներ։ Նա հնարավորություն ունի զուգահեռ աշխատելու Արևմուտքի ու Մոսկվայի հետ։ Իսկ Հայաստանի հնարավորություններն այդ առումով հավասար են զրոյի։ Եթե հիմա մենք ուզում ենք շահել, պետք է այնպես անենք, ինչպես Կրեմլն է ասում և ասել «այո» խաղաղությանը։ Հակառակ դեպքում կարող է ուշ լինել»,-ըստ ադրբեջանական ԶԼՄ-ի ասել է «հայ քաղաքական գործիչ Ահարոն Ադիբեկյանը»։
Ուշագրավն այս իրավիճակում այն է, որ սոցիոլոգ Ահարոն Ադիբեկյանը, որին լրատվամիջոցը ներկայացնում է որպես քաղաքական գործիչ, մահացել է դեռևս 2021 թ-ի հունվարի 3-ին կորոնավիրուսի հետևանքով։ Ընդ որում՝ ադրբեջանական այս լրատվամիջոցը Իրանի ԱԳ նախարարի Հայաստան այցի օրերին՝ հոկտեմբերի 23-ին ևս Ադիբեկյանին վերագրվող մեկ այլ հորինվածք էր հրապարակել։ Ըստ աղբյուրի՝ Ադիբեկյանն այդ դեպքում էլ, իբր, ասել է, թե Իրանը անկեղծ չէ Հայաստանի հետ։ Ավելի ուշ երկու հրապարակումներն էլ կայքից հեռացվել են։
Էմմա Չոբանյան
