18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ուկրաինան «կեղտոտ ռումբ» չունի և չի պատրաստվում ձեռք բերել. Դմիտրի Կուլեբա
Քաղաքականություն
23.10.2022 | 21:36
Ուկրաինայի արտաքին գործերի նախարար Դմիտրի Կուլեբան իր թվիթերյան էջում գրել է, որ իր երկիրը «կեղտոտ ռումբ» չունի, և որ Ռուսաստանը, հնարավոր է, ինքն է պատրաստվում պայթեցնել այն։
«Ռուսական սուտն այն մասին, որ Ուկրաինան, իբր, նախատեսում է «կեղտոտ ռումբ» կիրառել, նույնքան անհեթեթ է, որքան վտանգավոր: Նախ ՝ Ուկրաինան միջուկային զենքի չտարածման պայմանագրի կողմնակից է. մենք «կեղտոտ ռումբ» չունենք և չենք պատրաստվում այն գնել։ Երկրորդ` ռուսները հաճախ մեղադրում են ուրիշներին այն բանի համար, ինչ իրենք են նախատեսում անել»,- գրել է ուկրաինացի նախարարը։
Այսպես Կուլեբան արձագանքել է լրատվական գործակալությունների հաղորդագրություններին այն մասին, որ հոկտեմբերի 23-ին Ռուսաստանի պաշտպանության նախարար Սերգեյ Շոյգուն զանգահարել է իր գործընկերներին, առնվազն չորս երկրների՝ Մեծ Բրիտանիայի, Թուրքիայի, Ֆրանսիայի և ԱՄՆ-ի պաշտպանական գերատեսչությունների ղեկավարներին։
Այն մասին, որ Ուկրաինան, իբր, նախատեսում է իր տարածքում ինչ-որ «կեղտոտ ռումբ» պայթեցնել, այսինքն ՝ սովորական զինամթերք, որի պայթյունի ժամանակ մթնոլորտ են մտնում ռադիոակտիվ նյութեր կամ փոքր հզորության միջուկային լիցք, կիրակի առավոտյան գրել է Ռուսաստանի պետական «ՌԻԱ Նովոստի» գործակալությունը։ Միևնույն ժամանակ, գործակալությունը վկայակոչել է տարբեր երկրներում, այդ թվում ՝ Ուկրաինայում, վստահելի աղբյուրներ՝ առանց որևէ այլ հաստատում տրամադրելու:
