15.09.2026 | 11:52
«Ապրելու երկիր»-ը հայտարարում է՝ կմասնակցի առաջիկա ՏԻՄ ընտրություններին
Գևորգ Լոռեցյանը 4 մլն դրամ գրավի դիմաց ազատ կարձակվի
Հասարակություն
19.10.2022 | 17:09
Վերաքննիչ քրեական դատարանը՝ նախագահությամբ դատավոր Սերգեյ Մարաբյանի, այսօր որոշել է 4 մլն դրամ գրավի դիմաց ազատ արձակել Կրթության, գիտության, մշակույթի և սպորտի նախկին փոխնախարար Գևորգ Լոռեցյանին՝ բեկանելով Լոռեցյանին կալանքի տակ պահելու վերաբերյալ առաջին ատյանի դատարանի որոշումը։
Լոռեցյանի պաշտպան Լևոն Սահակյանը Factor.am-ի հետ զրույցում ասաց, որ գրավի գումարը վճարելուց հետո Լոռեցյանն ազատ կարձակվի։
Նշենք, որ Լոռեցյանը պաշտոնի էր նշանակվել գործող իշխանությունների օրոք։ Նա կալանքի տակ է արդեն շուրջ երեք տարի։ Նախկին փոխնախարարը մեղադրվում է 2 մլն դրամ կաշառք ստանալու մեջ, սակայն իրեն առաջադրված մեղադրանքը չի ընդունում։
Արաքս Մամուլյան
