14.06.2026 | 23:18
Գիշերվա կեսին գողացան ժողովրդի քվեն. Տոնոյանը` ԿԸՀ-ի որոշման մասին. ՏԵՍԱՆՅՈւԹ
«Հայոց ցեղասպանություն» ասելը հանցագործություն չէ․ Դիարբեքիրի Փաստաբանների միությունն արդարացվել է
Քաղաքականություն
18.10.2022 | 14:45
Դիարբեքիրի Փաստաբանների միության վարչակազմի դեմ 2018-2020 թվականներին 1915 թվականի իրադարձությունները Հայոց ցեղասպանություն անվանելու համար ներկայացված դատական հայցի քննությունն ավարտվել է․ դատարանն արդարացրել է Միության վարչակազմին, գրում է Rudaw-ն։
Դատավարությունը տեղի է ունեցել նախօրեին Դիարբեքիրի 11-րդ քրեական դատարանում։ Փաստաբան Նուրջան Քայան հայտարարել է, որ դատարանն արդարացման դատավճիռ է կայացրել։ Նա նշել է, որ դատախազն արդարացում է պահանջել, քանի որ, նրա կարծիքով, հանցագործության տարրը բացակայել է, իսկ հանցագործություն կատարելու (պետությունը հրապարակայնորեն նվաստացնելու) մտադրություն չի եղել։
Հավելենք, որ Դիարբեքիրի Փաստաբանների միության նախագահ Ջիհան Այդընի ու խորհրդի ևս 10 անդամների դեմ քրեական գործ էր հարուցվել Թուրքիայի Քրեական օրենսգրքի տխրահռչակ 301 հոդվածով։
Էմմա Չոբանյան
