07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Փաշինյանը մեկնեց ԱՊՀ նիստին․ Գրիգորյանը բանակցային մանրամասներ է հայտնել Արցախի պաշտոնյաներին․ Լուրեր
13.10.2022 | 18:43
- Արցախի իշխանությունների Երևան եկած պատվիրակությանն այսօր ընդունել է ԱԽ քարտուղար Արմեն Գրիգորյանը։ Նրա գրասենյակից հայտնել են, որ Գրիգորյանը մանրամասներ է ներկայացրել բանակցային գործընթացից, և կողմերը գնահատականներ ներկայացրել Հայաստանի ու Լեռնային Ղարաբաղի շուրջ ստեղծված անվտանգային իրավիճակի վերաբերյալ:
- ԱԳ նախարարի տեղակալ Պարույր Հովհաննիսյանն այսօր պարզաբանել է, որ Հայաստանի և Ադրբեջանի միջև սահմանային լարված իրավիճակը կարգավորելու առնչությամբ Արևմուտքից ոչ թե հնչում են կոնկրետ առաջարկներ, այլ ձեռնարկվում են կողմերին աջակցելու ջանքեր:
- Մայր Աթոռից հայտնել են, որ Caucasus Heritage Watch կառույցի կողմից հրապարակված արբանյակային տեսագրությունների հետազոտության արդյունքում պարզվել է, որ Ադրբեջանը հիմնահատակ ավիրել է Հադրութի շրջանի Մոխրենիս գյուղի Սուրբ Սարգիս եկեղեցին (18-19 դդ․)
- Վարչապետ Նիկոլ Փաշինյանն աշխատանքային այցով ժամանել է Ղազախստան։ Նա Աստանայում կմասնակցի ԱՊՀ պետությունների ղեկավարների խորհրդի հերթական նիստին:
Այս ժամի լուրերը՝ տեսանյութում։
