18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՀԱՊԿ-ը պատրաստ է դիտորդներ ուղարկել Հայաստան․ Լավրով
Քաղաքականություն
12.10.2022 | 18:23
Հավաքական անվտանգության պայմանագրի կազմակերպությունը (ՀԱՊԿ) պատրաստ է իր դիտորդներին ուղարկել Հայաստան, դրա համար անհրաժեշտ է Հավաքական անվտանգության խորհրդի (ՀԱՊԽ) որոշումը։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։
«Անմիջապես այն բանից հետո, երբ Հայաստանը խնդրել էր հրավիրել ՀԱՊԿ արտահերթ գագաթնաժողով, այն կայացավ, որոշվեց Հայաստան ուղարկել ՀԱՊԿ գլխավոր քարտուղարին, Միացյալ շտաբի ղեկավարին։ Նրանք գնացել են այնտեղ, բերել առաջարկություններ, արդեն մեկ ամսից ավելի է այդ առաջարկությունները մեր ձեռքում են։ Դրանց էությունն այն է, որ Հայաստանի տարածք ուղարկվի ՀԱՊԿ դիտորդական առաքելություն Ադրբեջանի հետ սահմանին»,-ասել է Լավրովը ՀՀ ԱԳ նախարար Արարատ Միրզոյանի հետ բանակցություններում։
Նա նշել է, որ միակ բանը, որ պահանջվում է, հավաքական անվտանգության խորհրդի որոշումն է։ Ըստ Լավրովի՝ խորհրդի նիստ պետք է հրավիրի ՀԱՊԿ նախագահողը։
Էմմա Չոբանյան
