17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
ԱՄՆ պետդեպը շարունակելու է առաջնահերթ համարել Հայաստանի և Ադրբեջանի միջև հարաբերությունների կարգավորումը
Քաղաքականություն
12.10.2022 | 09:46
ԱՄՆ Պետքարտուղարության խոսնակ Նեդ Փրայսը նախօրեին ճեպազրույցում անդրադարձել է Վաշինգտոնի ակտիվացող դերին Հայաստանի ու Ադրբեջանի բանակցություններում։
«Գալիք շաբաթներին և ամիսներին կարելի է սպասել ամերիկյան ներգրավվածության շարունակում, ամերիկյան բարձր մակարդակի ներգրավվածության շարունակում։ Ես դա ասում եմ պետքարտուղարի՝ անցյալ ամիս Նյու Յորքում տեղի ունեցած Հայաստանի ու Ադրբեջանի նախարարների հետ տեղի ունեցած եռակողմ հանդիպումից հետո։ Դա ամենավերջին բռնությունից հետո առաջին անգամն էր, որ նախարարները հավաքվել էին »,-ասել է Փրայսը։
Նա նշել է, որ նախօրեին էլ պետքարտուղար Էնթոնի Բլինքենը հնարավորություն է ունեցել խոսելու Հայաստանի ու Ադրբեջանի առաջնորդների հետ։ Այդ հարցերով ավագ խորհրդական Ֆիլիպ Ռիքերը ամենօրյա կապի մեջ է երկու երկրների պաշտոնյաների ու շահագրգիռ կողմերի հետ։
«Ուստի՝ մենք կշարունակենք ներգրավված մնալ այդ հարցում։ Ես չեմ կարող որոշակի արդյունք խոստանալ, սակայն կարող եմ խոստանալ, որ դա մեզ համար առաջնահերթություն է մնալու»,-ասել է Փրայսը։
Խոսելով առաջիկա հնարավոր հանդիպումների մասին՝ խոսնակն ասել է, որ հիմա չկա հանդիպում, որի մասին կարող էր հայտնել, սակայն համոզված է, որ առաջիկա օրերին կամ շաբաթներին ավելին կունենա այդ մասին ասելու։
Էմմա Չոբանյան
