25.06.2026 | 21:43
Պորտուգալացի մարզիչ Ռիկարդո Դիոնիսիոն ավարտում է իր աշխատանքը «Արարատ» ֆուտբոլային ակումբում
Ռուսաստանի և Ղրիմի միջև վնասված կամրջի փոխարեն չորս լաստանավ է գործարկվել
Քաղաքականություն
11.10.2022 | 14:43
Ավելի քան 760 բեռնատար և 4000 մարդ է լաստանավերով տեղափոխվել Կերչի նեղուցով, հայտնում է ՏԱՍՍ-ը՝ վկայակոչելով ռուսական իրավապահ մարմիններին։ Գործակալության աղբյուրի համաձայն՝ բռնակցված Ղրիմի անցակետում կուտակվել է մոտ 950 մեքենա, իսկ Կրասնոդարի երկրամասում լաստանավի համար հերթագրված է մոտ հազար մեքենա, գրում է BBC-ի ռուսական ծառայությունը։
Բռնակցված թերակղզու՝ Ռուսաստանի կողմից նշանակված իշխանությունները հայտնել են, որ երեքշաբթի առավոտյան անցակետին է միացել չորրորդ լաստանավը: Այժմ փոխադրումներն իրականացվում են յուրաքանչյուր երկու ժամը մեկ։
Հոկտեմբերի 8-ի առավոտյան պայթյունի հետևանքով վնասվել է Ղրիմի կամուրջը, որի պատճառները դեռ լիովին պարզված չեն, կամրջի մի մասը փլվել է ջրի մեջ։
Նշվում է, որ կամրջի վրա երկաթուղային երթևեկությունը վերականգնվել է, մարդատար ավտոմեքենաների երթևեկությունը վերականգնվել է միայն մասամբ։
Տաթև Ֆռանգյան
