06.11.2024 | 12:50
Դեսպան Լիլիթ Մակունցն ընտրությունների օրն այցելել է Վաշինգտոնի և Վիրջինիա նահանգի ընտրատեղամասեր
Լեհաստանի ԱԳՆ-ն իր քաղաքացիներին խորհուրդ է տվել լքել Բելառուսն ու չայցելել այդ երկիր
Քաղաքականություն
10.10.2022 | 21:16
Լեհաստանի Արտաքին գործերի նախարարությունն իր քաղաքացիներին խորհուրդ է տվել լքել Բելառուսը և զերծ մնալ այդ երկիր մեկնելուց։ Համապատասխան հայտարարությունը տարածվել է գերատեսչության պաշտոնական կայքում, փոխանցում է ՏԱՍՍ-ը։
«Տարածաշրջանում լարվածության աճի, ռազմական իրադարձությունների և Լեհաստանի քաղաքացիների կալանավորման կրկնակի դեպքերի հետ կապված՝ ԱԳՆ-ն խորհուրդ է տալիս Լեհաստանի քաղաքացիներին չմեկնել Բելառուսի Հանրապետություն»,- ասվում է հայտարարության մեջ։
Նշվում է նաև, որ անվտանգության իրավիճակի կտրուկ վատթարացման, սահմանների փակման կամ այլ անկանխատեսելի իրավիճակների դեպքում տարհանումը կարող է զգալիորեն դժվար կամ նույնիսկ անհնար լինել:
«Բելառուսի Հանրապետության տարածքում գտնվող Լեհաստանի քաղաքացիներին խորհուրդ ենք տալիս լքել այդ երկրի տարածքն իրենց հասանելի տրանսպորտային միջոցներով»,- ընդգծվում է հայտարարության մեջ։
