27.02.2026 | 23:01
Ադրբեջանում Բրիտանիայի դեսպանատունն արձագանքել է բրիտանական խորհրդարանում անցկացված Արցախի վերաբերյալ քննարկմանը
ՄԱԿ-ի գլխավոր քարտուղարը քննադատել է Ուկրաինայի վրա ռուսական լայնամասշտաբ հարձակումը
Քաղաքականություն
10.10.2022 | 22:53
ՄԱԿ-ի գլխավոր քարտուղար Անտոնիո Գուտերեշը «խորապես ցնցված է» այսօրվա լայնածավալ հրթիռային հարձակումներից։ Այս մասին ասել է նրա խոսնակը, որի խոսքերն է մեջբերում BBC-ն։
«Հարվածների ալիքը «լայնածավալ վնասներ է հասցրել խաղաղ բնակավայրերին և հանգեցրել է տասնյակ մարդկանց զոհվելու և վիրավորվելու։ Սա պատերազմի ևս մեկ՝ անընդունելի էսկալացիա է», – ասվում է Ստեֆան Դյուժարիկի հայտարարության մեջ:
«Ինչպես միշտ, քաղաքացիական անձինք վճարում են ամենաբարձր գինը», – ավելացրել է խոսնակը։
Ավելի վաղ ՆԱՏՕ-ի գլխավոր քարտուղար Յենս Ստոլտենբերգը նույնպես հանդես է եկել դատապարտող գրառմամբ։
Հիշեցնենք՝ երկուշաբթի առավոտյան ռուսական ուժերը թիրախավորել են Կիևը և Ուկրաինայի այլ բնակավայրեր՝ ակտիվորեն հրթիռակոծելով դրանք։
