21.04.2026 | 20:43
Անցած տարվա ծնունդի նվերն է հեռուստացույցը, որը չէի կարողացել տալ. Գոհար Ղումաշյան. ՏԵՍԱՆՅՈՒԹ
Լուկաշենկոն հայտնել է, որ Բելառուսն ու ՌԴ-ն սկսում են գործածել համատեղ զորքերը
Քաղաքականություն
10.10.2022 | 14:07
Բելառուսի նախագահ Ալեքսանդր Լուկաշենկոն հայտարարել է, որ իր երկիրն ու ՌԴ-ն սկսում են գործածել տարածաշրջանային համատեղ զորքերի խմբավորումը, գրում է ՏԱՍՍ-ը։
Լուկաշենկոն ասել է, որ Սանկտ Պետերբուրգում ԱՊՀ-ի ոչ պաշտոնական գագաթնաժողովից հետո հանդիպում է ունեցել ՌԴ նախագահ Վլադիմիր Պուտինի հետ։
«Միութենական պետության արևմտյան սահմաններին սրման հետ կապված՝ մենք պայմանավորվել ենք տեղակայել ՌԴ-ի ու Բելառուսի տարածաշրջանային խմբավորումները։ Այդ ամենը մեր փաստաթղթերով է։ Եթե սպառնալիքների մակարդակը հասնի ներկա մակարդակին, ապա մենք սկսում ենք գործածել Միութենական պետության խմբավորումը»,- ասել է Բելառուսի նախագահը։
Նրա խոսքով՝ այդ խմբավորման հիմքում Բելառուսի Զինված ուժերն են։
«Պետք է տեղեկացնեմ, որ այդ խմբավորման ձևավորումը սկսվել է։ Իմ կարծիքով՝ արդեն երկու օր է՝ ընթանում է։ Իմ հրամանը տրվել է, որ մենք սկսենք այդ խմբավորման ձևավորումը»,- ասել է Լուկաշենկոն։
Էմմա Չոբանյան
