21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
Ուկրաինայի մի շարք քաղաքներ հրթիռակոծվում և հրետակոծվում են
Քաղաքականություն
10.10.2022 | 12:07
Երկուշաբթի առավոտյան ռուսական ուժերը թիրախավորել են Կիևը և Ուկրաինայի այլ բնակավայրեր․ այս մասին հայտարարել է նախագահի աշխատակազմի ղեկավարի տեղակալ Կիրիլ Տիմոշենկոն, գրում է BBC-ի ռուսական ծառայությունը։ Ականատեսները հայտնում են պայթյունների մասին Տերնոպոլի, Լվովի, Ժիտոմիրի շրջաններում և Դնեպրում։ ՀՕՊ աշխատանքի մասին հաղորդվում է նաև Խմելնիցկի շրջանում։ Հարվածների հետևանքով խաղաղ բնակիչներ են վիրավորվել։ «Մնացեք ապաստարաններում, մի՛ անտեսեք անվտանգությունը»,- զգուշացրել է Տիմոշենկոն։
Կիևում առավոտյան ժամը 8-ին 3-4 պայթյուն է որոտացել։ Հրթիռակոծությունների մասին լուրերը հաստատել է մայրաքաղաքի քաղաքապետ Վիտալի Կլիչկոն։ Կիևի մետրոպոլիտենը դադարեցրել է գնացքների շարժը կարմիր գծով։ Բոլոր ստորգետնյա կայարանները ծառայում են որպես ապաստարան։ Դնեպրի քաղաքապետ Բորիս Ֆիլատովը ևս հայտնել է քաղաքում պայթյունների մասին։ Գիշերը հարվածներ են հասցվել Դնեպրոպետրովսկի չորս շրջանների․ կիրառվել են «Ուրագան», «Գրադ» հրթիռային կայանքներ և ծանր հրետանի։ Նիկոպոլի շրջանում գնդակոծվել է 3 համայնք՝ Նիկոպոլը, Կրասնոգրիգորևսկայան և Միրովսկայան։ Նիկոպոլում ավելի քան 30 բարձրահարկ շեն և առանձնատուն է վնասվել։ Վնասվել են հասարակական նշանակության շենքեր՝ հիվանդանոցի, ճեմարանի, փոստատան, դեղատան, գրադարանի, նաև՝ խանութներ, սրճարաններ, վարսավիրանոց։
Տաթև Ֆռանգյան
