20.05.2024 | 23:30
Վերահաստատում ենք մեր խոր մտահոգությունը. Լրագրողական կազմակերպությունները՝ լրագրողների նկատմամբ ճնշումների առնչությամբ
Ղրիմի կամրջի վրա տեղի ունեցած պայթյունը 3 մարդու կյանք է խլել
Հասարակություն
08.10.2022 | 16:39
Ղրիմի կամրջի վրա տեղի ունեցած պայթյունի հետևանքով 3 մարդ է մահացել, հայտնել են Ռուսաստանի Քննչական կոմիտեից: Ենթադրվում է, որ մահացածները պայթած բեռնատարի հետևից ընթացող մարդատար ավտոմեքենայի ուղևորներն են։
ՌԴ Քննչական կոմիտեի տվյալներով՝ բեռնատարի սեփականատերը Կրասնոդարի երկրամասի բնակիչ է։
Հիշեցնենք՝ Կերչի նեղուցով անցնող Ղրիմի կամրջի վրա պայթյուն է տեղի ունեցել, փլուզվել է ավտոմոբիլային կամրջի մի մասը։ Պայթյունից հետո բեռնատար գնացքի՝ վառելիքով լցված մի քանի բաք է հրդեհվել։ Կամրջով թե՛ երկաթուղային, թե՛ ավտոմոբիլային երթևեկությունը դադարեցված է։ Միջադեպի պատճառները դեռ ամբողջովին պարզ չեն։ Տեղի իշխանությունները հայտնել են, որ կամրջի վրայով ընթացող բեռնատար գնացքում վառելիքի բաք է բռնկվել։ Այս մասին հայտարարել է բռնակցված Ղրիմի ղեկավարի խորհրդական Օլեգ Կրյուչկովը, ապա հաստատել է երկաթուղու մամուլի ծառայությունը։ Ավելի ուշ ՌԴ Ազգային հակաահաբեկչական կոմիտեն հայտարարել է, որ Ղրիմի կամրջով անցնող բեռնատար ավտոմեքենա է պայթեցվել, ինչը հանգեցրել է բեռնատար գնացքի վառելիքով բեռնված 7 բաքերի բռնկմանը։ Ղրիմի կամուրջը ռազմավարական նշանակություն ունի, քանի որ դրանով են իրականացվում ռազմաճակատում եղած ռուսական ուժերի հիմնական մատակարարումները։
