02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Ռուսաստանը Վրաստանի հետ շփման գծում նոր սահմանագծում է իրականացնում
Քաղաքականություն
07.10.2022 | 23:14
Վրաստանի պետական անվտանգության ծառայության փոխանցմամբ (ՊԱԾ)՝ Քարելիի մունիցիպալիտետի Դվանի գյուղի մերձակա օկուպացված տարածքում ՌԴ ուժերի ներկայացուցիչներն ապօրինի սահմանագծում են իրականացրել` մետաղյա սյուներ և փշալարեր տեղադրելով: Այս մասին գրում է Aliq Media-ն։
ՊԱԾ-ի տվյալներով, փաստի առնչությամբ ակտիվացել է թեժ գիծը, Եվրամիության դիտորդական առաքելությունը և Ժնևյան քննարկումների համանախագահները տեղեկացվել են անօրինական գործընթացի մասին։
«Օկուպացիոն ուժերի անօրինական գործունեության յուրաքանչյուր դեպք, այդ թվում՝ ապօրինի, այսպես կոչված սահմանագծումը Վրաստանի կենտրոնական իշխանության և մեր միջազգային գործընկերների խիստ արձագանքի առարկան է։ Խնդիրը սուր կերպով կբարձրացվի միջադեպերի կանխման և արձագանքման մեխանիզմի հանդիպման շրջանակներում, ինչպես նաև Ժնևում կայանալիք միջազգային քննարկումների ժամանակ»,- նշված է ՊԱԾ-ի տեղեկատվության մեջ։
Ըստ ՊԱԾ-ի, ապօրինի սահմանը և դրա ներսում տեղադրված ապօրինի կառույցները կանխում են ազատ տեղաշարժը, բարդացնում տեղի բնակչության առօրյան և վնասում տեղում անվտանգության միջավայրը։
