25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Խաղաղության Նոբելյան մրցանակ՝ բելառուսական «Վեսնա»-ի հիմնադիր Ալես Բելյացկիին, ռուսական «Մեմորիալ»-ին և Քաղաքացիական ազատությունների ուկրաինական կենտրոնին
Քաղաքականություն
07.10.2022 | 17:40
2022 թվականին Խաղաղության Նոբելյան մրցանակը շնորհվել է բելառուսական «Վեսնա» իրավապաշտպան կազմակերպության հիմնադիր Ալես Բելյացկիին, ռուսական «Մեմորիալ» իրավապաշտպան կենտրոնին և Քաղաքացիական ազատությունների ուկրաինական կենտրոնին, գրում է BBC-ի ռուսական ծառայությունը։
2021 թվականին Նոբելյան կոմիտեն Խաղաղության մրցանակ էր շնորհեց երկու լրագրողների՝ ռուսական «Նովայա գազետա»-ի գլխավոր խմբագիր Դմիտրի Մուրատովին և ֆիլիպինյան «Ռապլեր» թերթի հիմնադիր Մարիա Ռեսանին՝ «խոսքի և արտահայտվելու ազատությունը պաշտպանելու ջանքերի համար, որոնք հիմնարար են ժողովրդավարության և կայուն խաղաղության համար»:
Նորվեգիայի Նոբելյան կոմիտեի կանոնների համաձայն՝ խաղաղության մրցանակի համար կարող է առաջադրվել ցանկացած մարդ, սակայն թեկնածուներ կարող են առաջադրել սահմանափակ թվով մարդիկ։
Նորվեգիայի կոմիտեի ղեկավար Բերիտ Ռեյս-Անդերսենը պարզաբանել է, որ թեկնածուներ առաջադրելիս հաշվի են առնվում Ալֆրեդ Նոբելի կտակում նշված երեք չափորոշիչներ. նպաստը զինված ուժերի կրճատման գործում, խաղաղ բանակցությունների խթանումը և ժողովուրդների միջև եղբայրական հարաբերությունների ամրապնդումը։
Տաթև Ֆռանգյան
