21.04.2026 | 17:45
Ադրբեջանը չի ապահովել Լեռնային Ղարաբաղի հակամարտությունից տուժած անձանց պաշտպանությունը. Amnesty International
Թուրքիան կրճատել է ռուսական գազի ներկրումը` ավելացնելով Իրանից և Ադրբեջանից մատակարարումները
Քաղաքականություն
06.10.2022 | 22:58
Թուրքիան հուլիսին կրճատել է Ռուսաստանից գազի ներկրումը 37,2%-ով՝ միաժամանակ ավելացնելով կապույտ վառելիքի գնումները Իրանից և Ադրբեջանից։ Տեղական լրատվամիջոցների հաղորդմամբ՝ այս մասին ասվում է Թուրքիայի էներգետիկ շուկայի կարգավորման մարմնի զեկույցում։
«Թուրքիա բնական գազի ներկրումը 2022 թվականի հուլիսին, նախորդ տարվա նույն ամսվա համեմատ, նվազել է 15,7 տոկոսով՝ կազմելով մոտ 3 միլիարդ 411 միլիոն խորանարդ մետր»,- ասվում է գերատեսչության զեկույցում։
Ամսվա ընթացքում խողովակաշարերով ներկրվել է 3,028 մլրդ խմ, իսկ լցանավերով՝ 383 մլն խմ հեղուկ բնական գազ (LNG)։
Հաշվետու ժամանակահատվածում գազատարներով բնական գազի ներմուծումը նվազել է 13%-ով, իսկ LNG տանկերով մատակարարումները նվազել են 32,6%-ով։ Հուլիսին Թուրքիան Ռուսաստանից գնել է բնական գազի ամենամեծ ծավալները՝ 1 մլրդ 448 մլն խմ։
Դրան հաջորդում է Իրանը` 870 մլն խմ, իսկ Ադրբեջանը՝ 710 մլն խմ: Նշված ժամանակահատվածում Ռուսաստանից գազի ներմուծումը նվազել է 37,2%-ով, Իրանից և Ադրբեջանից ավելացել, համապատասխանաբար, 37,5%-ով և 31,5%-ով։
Տաթև Ֆռանգյան
