16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Ուկրաինայի հարձակման գագաթնակետը հյուսիս-արևելքում դեռ առջևում է․ ISW
Քաղաքականություն
06.10.2022 | 20:21
Պատերազմի ուսումնասիրության ամերիկյան ինստիտուտը (ISW) հերթական ամփոփ վերլուծության մեջ կարծիք է հայտնել, որ ուկրաինական բանակի մեկամսյա շարունակվող հարձակումը երկրի հյուսիս-արևելքում հեռու է ավարտից և կարող է շարունակվել Լուգանսկի շրջանի տարածքների ազատագրմամբ, գրում է BBC-ի ռուսական ծառայությունը։
Ինստիտուտը հիշեցնում է, որ սեպտեմբերի սկզբին Խարկովի մարզում գրավյալ տարածքների մեծ մասի կորուստից հետո ռուսները չեն կարողացել հենվել բնական սահմանների վրա՝ Օսկոլ և Սևերսկի Դոնեց գետերի վրա։ Արդյունքում ուկրաինացիները մաքրել են Օսկոլի արևելյան ափը, անցել Սևերսկի Դոնեցը և վերցրել Լիմանն ու նրա շուրջ գտնվող տարածքները։
«Լուգանսկի շրջանի արևմուտքում լանդշաֆտը հարմար է կայծակնային մանևրումների մարտավարության համար, որոնք ուկրաինական ուժերն արդյունավետորեն կիրառել են սեպտեմբերի սկզբին Խարկովի մարզի արևելյան հատվածում, և բաց աղբյուրներից չի երևում, որ ռուս զինվորականներն էականորեն ամրացրել են Լուգանսկի շրջանի արևմուտքը»,- գրում են ինստիտուտի վերլուծաբանները։
Ըստ նրանց՝ այն, որ ուկրաինացիները միաժամանակ հարձակում են իրականացնում նաև հարավում, ստիպում է Ռուսաստանին ընտրել՝ որտեղ ավելի շատ ամրացնել պաշտպանությունը, որտեղ՝ ավելի քիչ, և արդյունքում մեծանում է երկու տեղում էլ ուկրաինացիաների հաջողության հավանականությունը։
Էմմա Չոբանյան
