16.05.2026 | 13:19
Ամերիկյան ինդեքսները նվազել են
Շատ հնարավոր է` ՀԱՊԿ-ը ընդհանրապես որոշում կայացնի դուրս գալ Հայաստանից. Ալեն Սիմոնյան․ ՏԵՍԱՆՅՈՒԹ
Քաղաքականություն
04.10.2022 | 13:49
«Ես չեմ կարող ասել, որ վարչապետի խոսքը վերաբերվում է Ռուսաստանին և նման տեղեկատվության չեմ տիրապետում: Եթե նման բան կա, միգուցե դա կարող է պայմանավորված լինել Ուկրաինայում տեղի ունեցողի հետ», -Ազգային ժողովում լրագրողների հետ զրույցում հայտարարեց ԱԺ նախագահ Ալեն Սիմոնյանը՝ անդրադառնալով հարցին, թե ինչու Ռուսաստանը մեր տված միլիոնավոր դոլարների գումարի դիմաց չի տալիս մեզ հասանելիք զենքերը, Ալեն Սիմոնյանը։
ԱԺ նախագահը հավելեց, որ պաշտոնական այցով մեկնելու է Մոսկվա, և անպայման այս հարցը ևս քննարկելվու է։
«Քննարկելու եմ ՀԱՊԿ-ի հետ կապված հարցերը, քննարկելու եմ նաև Հայաստան-Ռուսաստան փոխօգնության մասին պայմանագրի հետ կապված հարցերը, որով Հայաստանը դիմել է ու մինչ օրս մենք պատասխան չունենք, նույնիսկ «չէ» չունենք», – ասաց ԱԺ նախագահը:
«Կարո՞ղ է եկել է ՀԱՊԿ-ից դուրս գալու ժամանակը»․ այս հարցին ի պատասխան՝ Աժ նախագահը հայտարարեց. «Շատ հնարավոր է, որ ՀԱՊԿ-ը որոշում կայացնի դուրս գալ Հայաստանից, որովհետև, եթե այդ կառույցը պատշաճ արձագանք չի տալիս, ես մնում եմ իմ կարծիքին, որ մենք պետք է շատ երկար մտածենք ու հասկանանք, բայց, միևնույն ժամանակ, սա խաղուպար չէ, որ արագ ու կտրուկ շարժումներ անենք՝ առանց հասկանալու՝ հետո ի՞նչ ենք անելու, բայց այն, որ խնդիր կա, ես դրա մասին խոսելու եմ»:
Մանրամասները՝ տեսանյութում։
