17.05.2024 | 14:12
Ադրբեջանի ԱԳՆ-ն ներողություն է պահանջում Ֆրանսիայից
Չպե՛տք է տարածել գերիների մասին տեսանյութերը. դրանք դժվարացնում են մեր աշխատանքը. Զառա Ամատունի
Հասարակություն
03.10.2022 | 12:12
Մենք շատ անհանգստացած ենք կեղծ և դաժան տեսանյութերի և նյութերի տարածման խնդրով։ Այսօր «Ռազմագերիների հարցը՝ միջազգային իրավական հարթակում» թեմայով քննարկման ժամանակ այս մասին նշեց Կարմիր խաչի միջազգային կոմիտեի հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին։
«Գերեվարված, անհետ կորած կամ սպանված անձանց ընտանիքներն առաջինն են ստանում այսպիսի նյութեր։ Մեր հանրությունը չպետք է հրապարակի այդպիսի նյութեր, այդ նյութերը պետք է գտնվեն այն պատկան մարմինների ձեռքերում, որոնք կարող են գործողություններ նախաձեռնել։
Հանրությունը, սոցցանցերը, լրատվամիջոցներն ունեն դեր․ մենք, որպես մարդասիրական կազմակերպություն, հորդորում ենք ինչքան հնարավոր է այդպիսի ծանր տեսանյութեր չհրապարակել, սահմանափակել այդ նյութերի տարածումը՝ առաջին հերթին մտածելով ընտանիքների ու հարազատների զգացմունքների մասին»։
Կարմիր խաչի միջազգային կոմիտեի հայաստանյան գրասենյակի հաղորդակցման և կանխարգելման ծրագրերի ղեկավարի խոսքով՝ գերիների մասին տեսանյութերի տարածումը դժվարացնում է Կարմիր խաչի աշխատանքը։
Մանրամասները՝ տեսանյութում։
