02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Հռոմի պապը կրկին կոչով դիմել է Ռուսաստանին և Ուկրաինային
Քաղաքականություն
02.10.2022 | 17:25
Հռոմի Ֆրանցիսկոս պապը դիմել է Ռուսաստանի և Ուկրաինայի նախագահներ Վլադիմիր Պուտինին և Վլադիմիր Զելենսկիին, որպեսզի վերջ տան հակամարտությունը խաղաղ երկխոսության անցնելով։
Այս մասին կիրակի օրը պոնտիֆիկոսը հայտարարել է Ուկրաինայում տիրող իրավիճակին անդրադարձող ելույթում՝ «երկնքի հրեշտակին» ուղղված ավանդական քարոզի փոխարեն, գրում է ՏԱՍՍ-ը։
«Աստծո և մարդկության անունից ես վերսկսում եմ անհապաղ զինադադարի իմ կոչերը, վա՛յր դրեք զենքերը և ընդունե՛ք խաղաղ բանակցությունների պայմանները, որոնք լուծումներ են առաջարկում՝ ոչ ուժի վրա հիմնված, այլ հիմնված արժեքի սուրբ հարգանքի, մարդկային կյանքի, ինչպես նաև յուրաքանչյուր երկրի ինքնիշխանության ու տարածքային ամբողջականության, փոքրամասնությունների իրավունքների և նրանց օրինական մտահոգությունների նկատմամբ հարգանքի վրա»,- ասել է Ֆրանցիսկոսը։
Հռոմի կաթոլիկ եկեղեցու առաջնորդն ասել է, որ «ափսոսում է վերջին օրերի իրավիճակի համար, քայլերի համար, որոնք հակասում են միջազգային իրավունքին և մեծացնում են միջուկային էսկալացիայի վտանգը, որը կհանգեցնի աղետալի և անվերահսկելի հետևանքների գլոբալ մակարդակում»։
«7 ամիս անց ես ձեզ կոչ եմ անում դիմել բոլոր հնարավոր դիվանագիտական գործիքներին, որոնք դեռ չեն օգտագործվել այս հսկայական ողբերգությանը վերջ տալու համար»,- հավելել է նա։
