02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
«Նորքի տուն-ինտերնատն» առաջիկայում կունենա նոր վերանորոգված մասնաշենք
Հասարակություն
01.10.2022 | 16:55
«Նորքի տուն-ինտերնատն» առաջիկայում կունենա նոր վերանորոգված մասնաշենք․ տարեցների կեցության նոր պայմաններին ու շինարարական աշխատանքներին ծանոթանալու նպատակով՝ Աշխատանքի և սոցիալական հարցերի նախարար Նարեկ Մկրտչյանը «Հայաստան» համահայկական հիմնադրամի գործադիր տնօրեն Հայկակ Արշամյանի հետ այցելել է հաստատություն։
Ինչպես տեղեկացնում են նախարարությունից՝ վերջիններս շրջել են կենտրոնի տարածքում, ծանոթացել իրականացված վերանորոգման աշխատանքներին, քննարկել ընթացիկ ծրագրերն ու առաջիկա անելիքները։ Ներկաները վստահություն են հայտնել, որ շենքային նոր պայմանները հնարավորություն կտան բարելավվել շահառուների կենսապայմանները, բարձրացնել մատուցվող ծառայությունների որակը։
Շրջայցին մասնակցել է նաև Ժիրայր և Հուրի Ազնավուրեանների ընտանիքը։
Հիշեցնենք, որ տուն–ինտերնատի վերանորոգման աշխատանքներն իրականացնելու համար «Հայաստան» համահայկական հիմնադրամի կողմից հատկացվել է ավելի քան 97․7 մլն դրամ․ աշխատանքները նախատեսվում է ավարտել մինչ նոյեմբեր ամսվա կեսը։
