18.05.2026 | 13:21
Վաղը Հայաստան կժամանի Լիտվայի ԱԳ նախարար Կեստուտիս Բուդրիսը
Խոստովանել է, որ նույն տանից 2 օր առաջ էլ է գողություն կատարել
Հասարակություն
01.10.2022 | 14:17
Սեպտեմբերի 27-ի երեկոյան ոստիկանություն էր զանգել Վարդենիսի Երևանյան փողոցի բնակիչ մի կին և հայտնել, որ տնից կատարել են գողություն. տեղեկացնում են ՀՀ ոստիկանությունից։
Վարդենիսի բաժնից մեկնած օպերատիվ խմբին տանտիուհին հայտնել էր, որ նախորդ օրվանից տանը մարդ չի եղել: Կոտրել էին պատուհանի ապակին և տարել տարբեր իրեր ու բջջային հեռախոս:
Նախաձեռնվել է քրեական վարույթ, ձեռնարկվել են անհրաժեշտ գործողություններ: Վարդենիսի քրեական հետախույզների օպերատիվ միջոցառումներն արդյունք են տվել արդեն հաջորդ օրը: Երևանյան փողոցում հայտնաբերվել և, գողություն կատարելու կասկածանքով, ձերբակալվել է Վարդենիսի բնակիչ, 21-ամյա մի երիտասարդ: Նա ներկայացվել է Վարդենիսի քննչական բաժին և տվել խոստովանական ցուցմունք: Պարզվել է, որ բակ էր մտել ցանկապատի վրա անցք բացելով, իսկ տուն՝ պատուհանը կոտրելով։
Հետագա օպերատիվ-հետախուզական միջոցառումների և քննչական գործողությունների արդյունքում երիտասարդը խոստովանել է, որ նույն տնից սեպտեմբերի 25-ին էլ է գողություն արել:
Գողոնը հայտնաբերվել է, նախաքննությունը շարունակվում է:
`
