13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Էմբարգոն հանված է․ Շվեդիան վերսկսում է զենքի արտահանումը Թուրքիա՝ ՆԱՏՕ-ին անդամակցելու հայտից հետո
Քաղաքականություն
30.09.2022 | 20:08
Շվեդիայի ռազմավարական ապրանքների տեսչությունը (ISP) սեպտեմբերի 30-ին հայտնել է, որ վերականգնել է Թուրքիա ռազմական տեխնիկայի արտահանման թույլտվությունը, որը չեղարկվել էր 2019 թվականից։ Այս մասին գրում է Reuters-ը, որին վկայակոչում է Duvar-ը։
Քաղաքականության այս փոփոխությունը կապված է ՆԱՏՕ-ին Շվեդիայի անդամակցության գործընթացի հետ, որին ձգտում է միանալ Սկանդինավյան երկիրը։
ISP-ն սկսել է արտահանման թույլտվություններ տրամադրել երրորդ եռամսյակի ընթացքում, սակայն չի բացահայտում, թե որ ընկերությունները կամ արտադրանքներն են թույլտվություն ստացել։
Շվեդիան և Ֆինլանդիան արգելել էին զենքի արտահանումը Թուրքիա այն բանից հետո, երբ Անկարան ներխուժել էր Սիրիա։ Թուրքիան այս տարվա մայիսին հայտարարել էր, որ դրական ազդանշաններ է ստանում էմբարգոյի չեղարկման վերաբերյալ։
Էմմա Չոբանյան
