04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Նախարարն ընդգծել է երկաթուղային փոխադրումների ընդլայնման անհրաժեշտությունը
Տնտեսություն
29.05.2018 | 12:28
ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն ընդունել է «Հարավկովկասյան երկաթուղի» ՓԲ ընկերության տնօրեն Սերգեյ Վալկոյին. տեղեկացնում է նախարարության լրատվական ծառայությունը:
Նախարարը, կարևորելով երկաթուղու դերն ու նշանակությունը տնտեսության զարգացման գործում, ընդգծել է հատկապես երկաթուղային փոխադրումների ոլորտի առաջխաղացման անհրաժեշտությունը, այդ ուղղությամբ տարվող աշխատանքների ու ծրագրերի ընդլայնումը։
Սերգեյ Վալկոն նախ շնորհավորել է նախարարին պաշտոնը ստանձնելու կապակցությամբ, ապա ներկայացրել այն աշխատանքները, որոնց արդյունքում հնարավոր է դարձել բարձրացնել գնացքների արագությունը՝ կրճատելով երթևեկության տևողությունը։
Հանդիպման ընթացքում կարևորվել է բեռնափոխադրումների ծավալների մեծացման և ենթակառուցվածքների զարգացման ուղղությամբ տարվող աշխատանքները։
Կողմերը կարծիքներ են փոխանակել առաջիկա ծրագրերի, երկաթուղային տրանսպորտի ոլորտում նախատեսվող ներդրումների և մի շարք այլ հարցերի վերաբերյալ։
