08.12.2025 | 12:03
Սրբուհի Գալյանի ճեպազրույցը. ՈՒՂԻՂ
ԱԽ քարտուղարն այցելել է ԱՄՆ ԿՀՎ․ Միրզոյան-Բայրամով հանդիպում կկայանա․ Լուրեր
30.09.2022 | 14:00
- Սեպտեմբերի 30-ի ժամը 09:00-ի դրությամբ հայ-ադրբեջանական սահմանին իրադրության փոփոխություն չի արձանագրվել։ ՀՀ ՊՆ-ից հայտնել են, որ իրավիճակը հարաբերականորեն կայուն է։
- Հոկտեմբերի 2-ին Ժնևում տեղի կունենա Հայաստանի և Ադրբեջանի ԱԳ նախարարների հանդիպումը: ՀՀ ԱԳՆ խոսնակը հայտնել է, որ Չնայած Ադրբեջանի սադրանքներին` հայկական կողմը կմասնակցի հանդիպմանը: Այսպիսով, Ադրբեջանի ԱԳՆ հայտարարությունները, թե Հայաստանը փորձում է ձախողել բանակցությունները, անհիմն են։
- ԱԽ քարտուղար Արմեն Գրիգորյանը ԱՄՆ Կենտրոնական հետախուզական գործակալության Լենգլիում գտնվող գլխամասային գրասենյակում հանդիպումներ է ունեցել։ Հանդիպումների օրակարգը չի բացահայտվել։
- Ռուսաստանի ԱԳ նախարար Սերգեյ Լավրովը հայտարարել է, որ քննարկվում է ՀԱՊԿ դիտորդների ներգրավման հնարավորությունը՝ նպաստավոր պայմաններ ստեղծելու համար Հայաստանի, Ադրբեջանի և Ռուսաստանի ղեկավարների միջև պայմանավորվածությունների իրականացման համար, մասնավորապես՝ հայ-ադրբեջանական սահմանի սահմանազատման և, ընդհանուր առմամբ, Բաքվի և Երևանի միջև հարաբերությունների կարգավորման համար, ներառյալ համապատասխան համաձայնագրի ստորագրումը։
Այս ժամի լուրերը՝ տեսանյութում։
