02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Զելենսկին Ազգային անվտանգության և պաշտպանության խորհրդի հրատապ նիստ է հրավիրել
Քաղաքականություն
29.09.2022 | 19:08
Ուկրաինայի նախագահ Վլադիմիր Զելենսկին Ազգային անվտանգության և պաշտպանության խորհրդի հրատապ նիստ է հրավիրել։ Այս մասին ֆեյսբուքյան իր էջում հայտնել է պետության ղեկավարի մամուլի քարտուղար Սերգեյ Նիկիֆորովը։
«Նախագահ Վլադիմիր Զելենսկին վաղը հրավիրում է Ուկրաինայի Ազգային անվտանգության և պաշտպանության խորհրդի հրատապ նիստ։ Օրակարգը և այլ մանրամասներ կհրապարակվեն ավելի ուշ»,- գրել է Նիկիֆորովը։
Կարելի է ենթադրել, որ Զելենսկու որոշումը կապված է ագրեսոր երկրի՝ Ռուսաստանի՝ ավելի վաղ հայտարարված ծրագրերի հետ։ Սեպտեմբերի 30-ին Մոսկվայում պայմանագրեր կստորագրվեն կեղծ հանրաքվեների արդյունքներով, այսպես կոչված, օկուպացված տարածքները Ռուսաստանի կազմում ներառելու վերաբերյալ։
Ուկրաինայի իշխանությունները պնդում են, որ ապօրինի «հանրաքվեները» ոչինչ չեն փոխի, Ուկրաինայի Զինված ուժերը չեն դադարեցնի երկրի տարածքների ազատագրումը։
Տաթև Ֆռանգյան
