24.06.2026 | 09:32
Երևանի «Սպանդարյան» գերեզմանատան մոտ քաղաքացին ընկել է ձորակը և արգելափակվել քարերի արանքում
Թուրքական խոշորագույն Ziraat բանկը ևս դադարեցրել է «Միր» վճարային համակարգի օգտագործումը
Քաղաքականություն
29.09.2022 | 21:14
Թուրքիայի պետական խոշորագույն Ziraat բանկը ևս կասեցրել է ռուսական «Միր» վճարային համակարգի օգտագործումը։ Այս մասին Reuters-ին ասել է բանկի գործադիր տնօրեն Ալփասլան Չաքարը, փոխանցում են թուրքական լրատվամիջոցները։
Կրեմլը նախօրեին հայտարարել էր, որ թուրքական պետական բանկերը, որոնք դադարել են սպասարկել ռուսական «Միր» բանկային քարտերը, ակնհայտորեն գտնվում են ԱՄՆ-ի աննախադեպ ճնշման և երկրորդական պատժամիջոցների սպառնալիքի ներքո:
Հավելենք, որ ռուսական մամուլում այսօր տեղեկություններ տարածվեցին, թե թուրքական կողմն արդեն մի շարք այլընտրանքներ է առաջարկել ֆինանսական գործողությունների իրականացման համար, որոնցից մեկը նոր բանկի կամ ֆինանսական կազմակերպության ստեղծումն է, որը կախված չի լինելու ԱՄՆ-ի ու ԵՄ-ի պատժամիջոցների ճնշումից։
Ի դեպ, Թուրքիայից զատ՝ այլ երկրների բանկեր ևս հրաժարվել են ռուսական «Միր» համակարգից, այդ թվում՝ Ղազախստանն ու Վիետնամը։
Էմմա Չոբանյան
