21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
Դաղստանում մոբիլիզացիայի դեմ բողոքի ցույցերի մասնակիցների նկատմամբ տասնյակ քրեական գործեր են հարուցվել
Քաղաքականություն
29.09.2022 | 20:29
Դաղստանում մոբիլիզացիայի դեմ բողոքի ցույցերի մասնակիցների նկատմամբ տասնյակ քրեական գործեր են հարուցվել։ Այս մասին հայտնում է «ՕՎԴ-Ինֆո»-ն։
Տվյալների համաձայն՝ շուրջ 30 քրեական գործ է հարուցվել մոբիլիզացիայի դեմ բողոքի ցույցերի հետքերով։ «ՕՎԴ-Ինֆո»-ն 5 քրեական գործ է վարում Մախաչկալայում 7 ձերբակալվածների հետ կապված։ Նրանց մեղադրանք է առաջադրվել ոստիկանության նկատմամբ բռնություն գործադրելու համար (Քրեական օրենսգրքի 318-րդ հոդվածի 1-ին և 2-րդ մասեր):
Սուլթան Ախմեդխանովը, Մագոմեդ Ուբայդուլաևը և Մուրադ Ալիհաջիևը մեղադրվում են Սարուխանով անունով ոստիկանին «բռունցքներով և ոտքերով բազմաթիվ հարվածներ հասցնելու» համար (Քրեական օրենսգրքի 318-րդ հոդվածի 2-րդ մաս): Ըստ գործի նյութերի՝ սեպտեմբերի 26-ի բողոքի ակցիաների ժամանակ նրանք մարմնական վնասվածքներ են հասցրել ոստիկանին, ում մոտ ավելի ուշ ախտորոշել են փակ գանգուղեղային վնասվածք, գլխուղեղի ցնցում և փափուկ հյուսվածքների վնասվածքներ։
Միաժամանակ, փաստաբանները հայտնում են, որ իրենց բոլոր պաշտպանյալները ևս ունեն մարմնական վնասվածքներ՝ աչքերի, քթի, վերջույթների, կրծքավանդակի հեմատոմաներ, գլխուղեղի ցնցում և այլն։ Ոմանք կարող են նաև կոտրվածքներ ունենալ: Շուտով փորձագետները բոլոր տուժած կալանավորների նկատմամբ կնախապատրաստեն դատաբժշկական փորձաքննություն։
Դաղստանում բողոքի ցույցերը սկսվել են սեպտեմբերի 21-ին զորահավաքի մասին հայտարարությունից անմիջապես հետո և շարունակվել մի քանի օր։ Լրատվամիջոցների գնահատականներով՝ Ուկրաինայում ռուսաստանցի զինվորականների մահվան դեպքերի ամենամեծ թիվը բաժին է ընկնում այս հանրապետության բնակիչներին։
Տաթև Ֆռանգյան
